إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
شبكت ايديك .. |
ف ايدين الحلم |
وحاولت تضمه لصدرك |
وقت اللحظه البكر ما كات بتشخبط .. |
فوق وشك .. |
ألوان للحب الممكن!! |
لكن .. |
كان الباب مقفول .. جواك .. |
ع الفتارين اللي بتعرض .. |
لحاجات مختلفه .. |
منك .. لكن .. |
كانت ممنوعه على الناس .. وعليك!! |
مع إن الباب شفاف .. |
والناس بتبص على الفتارين .. |
جوّاك .. وسعيده .. |
بتدور على أي طريق .. |
علشان تدخل .. |
تشتري منك .. |
تحفه لحزنك .. |
انتيكات لمشاعرك .. |
تمثال من أحلامك! |
يمكن تفتح قلبك ليهم .. |
ولأنك .. خايف .. |
إن الناس تشتري منك .. |
ما تبيعلكش .. |
والبيع يتحول لمزاد!! |
رافض تفتح قلبك ليهم .. |
رافض صفقة عمرك!! |
بس يا دوبك .. |
ضامم إيدك .. |
ع المفاتيح .. |
وبتقفل قلبك ع الأحلام .. |
وتموت!! |