تاريخ الاضافةتاريخ التعديل
الأحد، 23 ديسمبر 2012 10:09:49 م بواسطة محمد ابو يوسفالخميس، 25 أبريل 2013 10:09:39 م بواسطة محمد ابو يوسف
0 2365
يا قمر ( قصيدة غير منتهية)
يا قمر سهران قبالى
دانت جنب النجمه عالى
يا قمر زاد انشغالى
حبك مش قادر أخبى
-----------------------
يا قمر هلِّت بِدُورْنا
حبك انت اللى ف صدورنا
فين واخدنا وليه آسرنا
ولما تأمرنا نلبِّى
-----------------------
يا قمر ياللى ف عنينا
مهما نِخْفِى يبان علينا
وحياة الليل القاسى فينا
يا قمر ما تزيد ف حبى
----------------------
يا قمر حالك كحالى
ف السما بعيد وعالى
يا قمر مالك ومالى
دانت حبك جوه قلبى
---------------------
يا قمر ما تزيد حنينى
دا هواك باين ف عينى
يا قمر بيزيد أنينى
وانت دايماً مستخبى
----------------------
والى لقاء مع تواتر القصيدة
يا قمر أيه اللى نابك
ليه جحيمك ليه عذابك
مانت عارف ليه تخبى
انك انت كل حبى
----------------------
يا قمر عمرى ما هنسى
دانت جوه القلب لسه
كل ضحكه وكل همسه
ليها ذكرى ويا قلبى
-----------------------
يا قمر مشغول ليه عنى
قلبى عايش بالتمنى
ليه عليك دايما شاغلنى
دانت قلبى وانت حبى
----------------------
يا قمر حرام عليك
قول لى أيه عملت فيك
يا ما شِلْت ف قلبى ليك
كتير أمرت وكنت ألبى
------------------------
يا قمر مانت اللى باعد
دحنا ليك معصم وساعد
وقلبك انت عليا جامد
لو تحب ليه تخبى
------------------------
يا قمر ما تغيب علينا
كل لحظه دموع عنينا
تبكى لجل قمرها غايب
يا حبيبى ونار ف قلبى
------------------------
يا قمر فين انت قول لى
ليه تغيب عنى تمللى
مانت عارف ان بُعْدَك
يزيد أنينى يزيد ف كربى
------------------------
يا قمر عنك هغيب
يا حبيب . أغلى حبيب
سهم ظلمك راح يصيب
يا قاتلنى أيه مخبِّى
------------------------
يا قمر ساكن بعيد
كل لحظه الشوق يزيد
وانت ساكن ف الوريد
ليه عذابك ليه يا قلبى
------------------------
يا قمر حظك قَلِيْلْ
حتى شوف طالع ف ليل
واللى دارى بيك قليل
والغيوم تحجب ضياك
---------------------
يا قمر نور ف ليلهم
هم ليك خليك دليلهم
وان فاتوك دايما تجيلهم
واوعى مره تفوت هواك
---------------------
يا قمر وحدك غريب
يا حبيب أحلى حبيب
دحنا ليك قسمه ونصيب
ومنانا ننول رضاك
---------------------
يا قمر هسهر لوحدى
كل أحزانى ووجدى
مهما تبعد برضو عندى
يا ملاك أحلى ملاك
------------------
يا قمر وقدرت تهجر
كل ليله ف حبك اسهر
وعن هوايا مهما اعبر
ماقدر اوصف يوم هواك
--------------------
يا قمر قلبى واجعنى
والفضا كون مش سايعنى
والا عشان حبى دا يعنى
تختفى جوا ف سماك
--------------------
ياقمر ف قلوبنا علّم
لو تغيب الكون يضلّم
يا قمر ابعد واظلم
يا واخدنى بعيد هواك
--------------------
يا قمر مالك حزين
ليه بتفرح كل حين
انت شاغل قلب مين
ولا شاغل مين معاك
-------------------
يا قمر صابك خسوف
وف بعادك صابنا خوف
ليك حنينك يا الأليف
والسهر يحلى بلقاك
--------------------
يا قمر دا الصبر قاسى
ياللى حبى تملى ناسى
دانت أهلى وكل ناسى
يا ظالمنى كتير معاك
--------------------
يا قمر أرجوك هاودنى
لو حبيبك قوم ساعدنى
دا لهواك الشوق واخدنى
وقلبى ساكن فوق هناك
--------------------
يا قمر مكتوب علينا
نهجرك وتفيض عنينا
واالقلوب والله حزينه
يا قمر ههجر فضاك
--------------------
هذه القصيدة القمرية قيلت منذ سنوات ثلاث
وهى قصيدة متواترة فكرتها لاتنتهى
وهى من أعز القصائد علىّ
أرجو أن تنال رضا الجميع
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي2365
لاتوجد تعليقات