تاريخ الاضافة
الثلاثاء، 25 ديسمبر 2012 09:21:43 ص بواسطة أحمد الظفيري
0 576
لذة سنين
جتني وانا اشواقي ترى فيها اقبلت
قالت حبيبي يا لبى جو المطر
بين المشاعر والسحايب مطّرت
شوق وحنينن بس لنا سيله غمر
جتني وفي حضني رقت لين ارتمت
ضميت في طفلي وانا شوقي ثأر
دخلت شماغي فالعيون اللي حَكت
قالت بنظراتن أنا كلي قمر
لبيه يا بنتن بنبضاتي كلت
كل شي بها عذبن وفي روحي سحر
رش المطر يده بقطراتن ذرت
يا هي نعومتها ولا لين الزهر
قالت وشارت في عيونن سلطنت
هذي العيون اللي تغناها البشر
شافوني مستانس ولي الدنيا مشت
يا حظه اللي في حبيبه ما عثر
تف تف على عيون الحسود اللي بكت
شافت بريحانة خفوقي لي ثمر
فيها النعيم اللي بها احضاني دفت
واهيا الجمال اللي استحق ليل السهر
ياللي الشفايف والشهد فيني سقت
مالت على ذراعي وليلتنا سمر
رسمت من خطوطن ,بقلبي شاغبت
كل الدلع منها غمزني وابتكر
لو كنت راهب عن غرامك ما ثبت
لكن انا عاشق وقلبي ما صبر
بنتن خِطايا في خطاويها اقتفت
لين اشتياقي حاز في علم الأثر
محبوبتي لذة سنينن لي وفت
شاخت على بنت البدو وبنت الحضر
محبوبتي بلسم وكل شي لي عطت
بنتن ولا مية رجل فيها الفخر
محبوبتي انثى ورقتها كست
ورد وبساتين الزهر بين الشجر
باحتال في بوسه عليها لو سهت
لو بالغلط واخذ واضمه لو حَمر
واثني ببوسه تنتظرها لو استحت
قرّب حبيبي زيدني لذة نظر
T
إسم الشاعرالبلدإسم القسمالمشاهدات
أحمد الظفيريالسعودية☆ دواوين الأعضاء .. عامِّي576
لاتوجد تعليقات