تاريخ الاضافة
الثلاثاء، 25 ديسمبر 2012 07:46:40 م بواسطة صالح بن عمار
0 414
الشريط ..!
ملهمة شاعر .... يغنيها الشعور.
في ليال ٍ فلّت الذكرى الشريط.
يامساء الخير ..! ياريح الزهور.
مانبي دونك كليم ولا وسيـط.
المشاعر ليش يتمّها .... الغرور.
وليه جرح القلب عيّا لا يخيط.؟
ماتوقعتك ....! تلف ولا تدور.
والحكايه سرها ب( يم ٍ غويط).
ادري انك بالمحبه ..! لك امور.
بس ابترمل.! وانا لساني سليط.
حبك بقلبي.! سرابك بالسطور.
ماهو بساقط..! يمده لك لقيط.
من وريد القلب لو وقته يجـور.
الخطآ مهما حصل يبقى بسيط.
ولو بثير الهاجس وفكري يثور.
شاعرك مجرم.! ومجنون وعبيط.
لي حضور ٍ ياكل عيون الحضور.
لو تشيط الناس ولاّ ماتشيـط.
ولو تمد ارقابها.! امواج البحور.
تنثني لو بان مـوج ٍ للمحيـط.
لك سؤال ٍ يركض ايام وشهور.
كيف قلبك مايحس ولا يحيط.؟
لجلك الايتام! تكفلها الصدور.
دمّها القيفان وغيابك خليـط.
والعمر ياسرع ركضه والعبور.
في جبين اليوم مطلوق وربيـط.
كبرت الايام ما شاب الشعور.
في ربيعه! دام للذكرى شريـط.
إسم الشاعرإسم الكاتبالبلدإسم القسمالمشاهدات
صالح بن عمارصالح بن عمارالسعودية☆ دواوين الأعضاء .. عامِّي414
لاتوجد تعليقات