عناوين ونصوص القصائد   أسماء الشعراء 
شعراء العامية في العصر الحديث > مصر > نجيب سرور > الشيخ قفاعه

مصر

مشاهدة
4934

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

الشيخ قفاعه

تنويعات نجيب سرور عن نكسة وحالة الأحباط الذى عاشها
اقرأ يا شيخ قفاعه
جرنان آخر ساعه
مش جرانين البورص
وانا ابقى احلق ذقنى
إن ما كنتش ترقص
لأ دار اخبار اليوم
إقرأ وشوف الالبوم
شوف الدكتور العرص
أَلْعَنْ مِنْ العن بُرْصْ
أحّوه على علم النفس
يا بلدنا واحَّه يا كو.....
ومباحث هلس ف هلس
والولس مغطى الولس
طب يبقى ف ايه البحث
والوش صبح فى الفلس
يازمن داير بالعكس
الطب عليه الاكس
اتفوه واتفو واتفو
والسح ادح امبوه
النجده يا خلق يا هوه
أحوه أحوه أحوه
إقرأ يا شيخ قفاعه
جرنان آخر ساعه
شوف الدكتور التور
فى الخانكه امبراطور
عينك ما تشوف النور
شوف الدكتور جزار
طالع نازل منشار
واقف للناس زنهار
وفى ايده الحقنه ساطور
والحقنه تهد الحيل
لو كانت حتى ف خيل
فما بالك بالانسان
آه من لدغ التعبان
إقرأ يا شيخ قفاعه
جرنان آخر ساعه
شوف الدوله الشماعه
فاتحه للموت دكاكين
مليانه معتقلين
بتسميهم مجانين
شوف العلما المساجين
وعباقره ومدفونين
والشعرا المدبوحين
وألوف الفنانين
واولادنا المخطوفين
فى السجن بنات وبنين
واتفرج ع الزنازين
عمال على فلاحين
متقلش علب سردين
والطلبه المصلوبين
حتى ولادنا الظباط
ميهمش جيش وبوليس
متاخدين تحت الباط
لقضاهم فى الكواليس
إقرأ يا شيخ قفاعه
جرنان آخر ساعه
مش جرانين البورص
يا عرايا شتاكم صيف
م الضرب ياوش الضيف
والكرباج زى السيف
دفايه فى عز البرد
ولا حَوْجَهْ يا برد لحد
شوف الكرم المعكوس
اللقمه عايزه غموس
غمسها اعملها لبوس
وعطاشا مدد يا حسين
يا ديابه الميه منين
يا حلاوه على الجازولين
طب ما هو هوه الغسْلين
يا اللى نسيتوا القرآن
وتاجرتم بالايمان
يا حلاوه على النازيه
بقناع الاشتراكيه
ما هى الصهيونيه
والحيه هى الحيه
والخيه هى الخيه
والشعب غنم متباعه
بالراس ولا فيها شفاعه
والخطف علينا مقاوله
والقبض علينا مقاوله
والقتل علينا مقاوله
وعصابه واسمها دوله
أشكول احمد أشكول
عثمان أحمد عثمان
عثمان يعنى التعبان
بالفصحى ومين ها يقول
والباطل فن وكار
وسياسه نيك افكار
والبسوا خوازيق و....
واتفرجوا ع الاوكار
ها تلاقوا هناك رجاله
كانوا زى الخياله
وخادوهم ف القياله
وروهم ويل الويل
ويا ليلى يا عين يا ليل
مبروك على اسرائيل
إقرأ يا شيخ قفاعه
جرنان آخر ساعه
أحّوه من هتك العرض
ووراها هتك الارض
واتفضل يا كسّينجر
الأرض امان وبراح
خياط من ماركة سينجر
سواح فى .... ك سواح
من موسكو لتل ابيب
لواشنطون للمحروسه
غير اللى فى علم الغيب
والباميه اخت الكوسه
خد منّى ياما خدت
يا بلاد الهوى يا بلاد
يا بلاد النجوى فؤاد
يا لوالب فى الاساس
يا كواكب جوه لباس
وإقرأ يا شيخ قفاعه
جرنان آخر ساعه
مش جرانين البورص
أ دار اخبار اليوم
إقرأ وشوف الألبوم
إقرأ ورقة اكتوبر
واحلم بالعام الفين
ومعادنا تمام اكتوبر
فى سرايا للمجانين
مناخوليا وزى القوطه
ورخاء واشنق بالفوطه
واستنى لعام الوفات
مليون بعد الالفين
وها تبقى تلات ورقات
ولهم فى ....ك تفانين
وبدال كسينجر .....
ويا زيد خد مطرح عمرو
والصُّرم بدال ......
والسمع يا صاحب الامر
إقرأ يا شيخ قفاعه
جرنان آخر ساعه!!
نجيب سرور

الشيخ قفاعه من ديوان (أميات)لنجيب سرور والذى يحوى ألفاظاتخرج عن الأدب العام وتتجاوز حدود اللياقة واللباقة وتعمدت أستبعادها لأحترام المتلقى وللأمانة وجب التنوية وعن أستخدام نجيب لهذه المفردات التحتيةوالوضيعة ما كان يعانيه من جراء النكبةوالهزيمةعام1967
التعديل بواسطة: محمد أسامة
الإضافة: الخميس 2007/02/01 03:18:16 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com