تاريخ الاضافةتاريخ التعديل
الأربعاء، 9 يناير 2013 08:22:31 م بواسطة ملآذ الزايريالجمعة، 11 يناير 2013 11:49:11 م بواسطة ملآذ الزايري
0 1342
ما لهذا الصبر أخر
( ما لهذا الصبر أخر ) ..
ما لـ هذا البحر مينا ..
وشـ بيدّي ..
كل ما رفرف بقلبي حزن
غنّيته ..
كل ما راود عيوني مزن
بكّيته ..
وش بيدّي ..
ما تخيّرت الكلام ولا تخيّرت السكوت ..
ما تخيّرت الحياة ..
بسّ يمكن ..
أقدر أتخيّر أموت ..
لا تمرّ بروحي إلاّ عابر وقلبي معاك ..
لا تمرّ جروحي إلاّ من هناك ..
من بعيد ..
مثل طعم العيد ..
خلّك أبعد من مسافات الطريق اللي مشيت ..
خلّك أبعد ..
ما بقى في دفتري وقت وحنين ..
لو لمحت أنّي حزين ..
لا تجيني ..
خلّني منّي وفيني ..
لا تجيني ..
القلوب أوقات تغريها المواجع ..
وأنت عارف ..
ما بكت عيني فراقك يوم طريّت الرحيل ..
كانت دموعي قصايد ..
كانت جروحي قلايد ..
كل جرح ألبّسه شعري ويفرح ..
شوف كيف أحيان بعض الشعر يجرح ..
رح بعيد ..
ماني راجع ..
القلوب أوقات تغريها المواجع ..
رح بعيد ..
رح بعيد ..
إسم الشاعرالبلدإسم القسمالمشاهدات
نواف التركيالسعودية☆ شعراء العامية في العصر الحديث1342