تاريخ الاضافةتاريخ التعديل
الأربعاء، 9 يناير 2013 08:34:24 م بواسطة ملآذ الزايريالجمعة، 11 يناير 2013 11:47:44 م بواسطة ملآذ الزايري
0 1134
الصمت والمينا ..!!
تعال أفتح لك أزرار الحديث وغننـي يامـال
تراني مركبٍ مـلّ السفـر وأشتـاق للمينـا
كنْ النهّام وأصدح بالحنين لضايقيـن البـال
عسى تقدر تعبّرنا المدى في حـزن أغانينـا
كتبنا لين ملّتنـا القلـوب وطـوّل الترحـال
كذبنا لين صدّقنـا الكـلام وصـار امانينـا
خذ الأقلام والأحلام ما عادت تسـرّ الحـال
ولا تنفـع ولا تشفـع ولا تسمـن وتغنينـا
يا نهّام الفجر نـوره يفـجّ الليـل للغربـال
وبكره مدري لـوين القـدر يبغـى يمشينـا
تطلّ الشمس فعيون السهارى تذبـح الأمـال
ويبعثنا المسا مـن قبرنـا ونعيشنـا فينـا
كذا والفارغين أضحوا هل الأراء والأقـوال
كذا صارت مصيبتنا العظيمـة فـي مبادينـا
تركنا الأرض للسخف الكبير وضحكة الجهّال
زهدناها بعد ملّـت مـن التربـة خطاوينـا
يا نهّام الحديث يقلّب الأوجاع لا مـن طـال
وحنّا حائط المبكـى غـدت مثلـه حكاوينـا
فـهل نستجدي الغيم الغثيث يبرّ بالهمّـال ؟
أو نطاوع صلابة روسنا اللي مـا تخلينـا ؟
على طرق الحنين وطاري الغالين واليا مـال
دخيلك شوف لي عن هالحديث الصمت والمينا
إسم الشاعرالبلدإسم القسمالمشاهدات
نواف التركيالسعودية☆ شعراء العامية في العصر الحديث1134