إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
البداية .. |
عادةً تأتي بلا أيّة بداية .. |
تنخلق من رغبة الهاوي مراودة الخلود |
تشبه إحساس ال تحرر م القيود |
تبتديك بلا سبب |
تدمنك تاخذك لأبعد من توقّعك الوصول |
تاخذك منّك إليك |
لين تتوغل بذاتك |
في سكاتك |
ف التفاصيل الصغيرة من حياتك |
لين تتوحد مع الأشياء حولك |
لين تنسى من تكون بزحمة التكوين والبعث الجديد |
كثر ما تتوغل بروحك بتبعد |
وكل ما تتوغل أكثر تبعد أكثر |
لين تجهل من تكون وكل ما كنت يتلاشى |
وتبدا ترجع من جديد |
تكتشف إنّك بعيد |
وأنّ قلب أمّك بسيط |
وإن حلم أبوك أبسط |
وأنّك الجامح لحلمٍ ماله حدود وملامح .. |
لو قدرت بأمنية ترجع بعمرك |
إرجع لمولدك الأوّل |
عيش ثاني كل ذرّات الثواني |
من يشقّ النور نوّر |
من يطيح الليل ليّل |
مثل كل الناس خلّك |
لا تروح أبعد من اللازم كثير |
لو منحك الحلم ريشه لا تطير |
لا تغادر |
لا يغرّك ملمس الحلم الحرير .. |
تدري إنت إن الزكاة تحلّ في إبن السبيل |
وأنت أرضك من ذهب |
لا تكون اللي ذهب |
كن مثل أرضك عريق .. |
الكلام يغصّ في فمْه الكلام |
وأتعثّر بالوجيه الفارغه من كل معنى غير من صف الكلام |
كانت الرحلة تعيسه للأسف |
البداية خطوة ل لأي إتجاه |
بس الأصعب . |
كيف تكتب في نهايتك النهاية |
كيف تقنع كل من حولك |
ذبولك |
كيف ترمي الورد |
تطفي الشمع |
يغرق في عيونك دمع |
تنسى نفسك بلحظة وتكتب |
عذراً لكل القلوب اللي مشت وياي واللي ما تقاطعنا أبد |
ما أظن أن الكتابة بالنهاية |
تعني إنك قادر تصيغ النهاية |
بس أكتب |
مغلق لأشعار أخر |
وأقفلك بالشمع الأحمر |
وأنتهينا بالسلامة |