تاريخ الاضافةتاريخ التعديل
الأربعاء، 9 يناير 2013 08:57:31 م بواسطة ملآذ الزايريالسبت، 12 يناير 2013 12:31:00 ص بواسطة ملآذ الزايري
0 1006
محطّات ..!!
العمر رحلـة والسنيـن المسافـة
وقلوب خلق الله محطّات لـلـ/ آه
والشعر مرقاب النـدم والحسافـه
أحنّ له وأعنّ وأضيـق وأرقـاه
وأكرهه وأبيـه وأحبّـه وأعافـه
وأكتبه وآشطّبه وأذكـره وأنسـاه
مرّات أحسّ إنه مجـرد سخافـه
ومرّات إحس إني ولا شي لـولاه
وأحبّ منـه اللـي بليّـا كلافـه
اللي تحسّ بشاعره وأنت تقـراه
وأكره به اللي قبل موعـد قطافـه
الخالي اللي بس صـوت المبابـاه
اللي ملوا فيه الفضـا والصحافـه
اللي ما تدري ويـن جابـه ووداه
وأنا ولا فكّـرت يـوم إحترافـه
ما غير أهيجن بـه ولله فـ/ الله
إختار يلقى في جروحـي ضفافـه
واللي هقابي طيب يبشـر ويلقـاه
تدري وش اللي في حضوره أخافه
إنّه يخلّي صدق لجروحـي أفـواه
ولا أصعب من الذنب غير إعترافه
والشعر صادق بس لاتبحث أقصاه
يبي يجي له يـوم يعلـن جفافـه
قبلي كثير اللي تعب ليـن خـلاّه
يا صاحبي نسيان الأحبـاب أفـه
وأنت أخر السمّار والليل مسـراه
يبي خـويٍ مـا يناظـر خلافـه
ولا يذكّر صاحبـه وجـدٍ أغـواه
والشاعر اللي بين وزنـه وقافـه
خلّه على حطّـت يـدك لا تبـلاّه
يكفيه يقطع ما بقى مـن مسافـه
وكلٍ يغنّـي لا تذكّـر لـ/ ليـلاه
كـل الحكايـات القديمـه خرافـه
بكره بتسمع شي ما يـوم قلنـاه
إسم الشاعرالبلدإسم القسمالمشاهدات
نواف التركيالسعودية☆ شعراء العامية في العصر الحديث1006