تاريخ الاضافة
السبت، 12 يناير 2013 12:54:42 ص بواسطة ملآذ الزايري
0 866
دع الشعر ..!!
دع الشعـر وأساطيـر الكـلام وفلسفـتـه وراع
إلي .. وأفهم ..وبطّـل مـن قناعاتـك بإيهامـي
بأن الشعر نوع من التـرف وإن القصيـد أنـواع
وأنّ ..وأنّ .. وتأنـأن علـي وتقطـع إلهـامـي
ياعمي هـدّ مـو كـل القصايـد ذوق وإستمتـاع
بعضها ما يضع رحلـه يـا كـود أقطّـع إبهامـي
تبي عاد الصحيح أقرب وأسولف لك عن اللي ضاع
قبل ما أجمـل تفاصيـل الحيـاة تمـوت قدامـي
لي أكثر من ثمان سنين ما تقضب رجولـي قـاع
كأنـي موكـل أقيـس الفضـاء بخطـوة أقدامـي
ماهي لحية شعر طس السبيـل بنكـوي الأوجـاع
وشغلّـي مهلـي خـل صوتـه يبـري ألامــي
ترا يكذب عليك اللي يقـول إن الفجـوج وسـاع
إذا تقـدر تمـوت بديرتـك مـت جايـعٍ ضامـي
وحق الله يـ/ أني كل ما دكّـوا علـى المهجـاع
أغنّي للعيـون عـن السهـر يـا نكبتـي نامـي
ويشق الصبح من عين الظلام وما رضت تنصـاع
ولا يطـري عليهـا تستريـح أتلـذذ أحـلامـي
لك الله بس أدوّر فـي متاهـات الزمـن مطـلاع
ولا أرجي غير أريّح مـن شقـاي بمقبـل أيامـي
ماني ناقص يطيح قناع خلف قنـاع خلـف قنـاع
يكفّـي خلّهـا بـس إتّحمـل ثقـلـي عظـامـي
وإذا غرّك وصـول التافهيـن وذكرهـم لا شـاع
فصدّق لو عرفت شلون وصلـوا تشكـر أقدامـي
إسم الشاعرالبلدإسم القسمالمشاهدات
نواف التركيالسعودية☆ شعراء العامية في العصر الحديث866