لحظة خيال.! وصورة ٍ للمحبين. | |
|
| في عين راسمها .. تسوق الغراما. |
|
فالبر ريح السمر والناس غافين. | |
|
| والبن وريح الهيل وبدر التماما. |
|
العين تتكيف من الزين بالزين. | |
|
| والزين..! يتكيف مشاعر تواما. |
|
في ديرة ٍ فيها مع الزين ثنتين. | |
|
| ريح النفل .. متخالط ٍ بالخزاما. |
|
تنبت لها القيفان بالقلب والعين. | |
|
| وتروى من الخدين والاّ المساما. |
|
الشعر ليل ٍ ما تلحّف به سْنين. | |
|
| ليل ٍ يلحّفها ... بغفوة مناما. |
|
وعيونها.! تشبه عيون الشياهين. | |
|
| حتى هدبها .! مثل ريش النعاما. |
|
بانفاسها تفنى عطور السلاطين. | |
|
| وثمانها برق ٍ .....! غمامه لثاما. |
|
الريق سكر نبت اوّل وهالحين. | |
|
| رشفة حلال ٍ لو مزجها حراما. |
|
بْهمساتها ذابت ورود البساتين. | |
|
| وبيدينها لاحت بروق الغماما. |
|
مبرية الذرعان والثقل واللين. | |
|
| من ساقها حتى حدود الحزاما. |
|
والخصر لو نبغى نلمّه بكفين. | |
|
| متفرده بالحسن ..! زين القواما. |
|
استغفر الله ..! كنّها تشبه العِين. | |
|
| حورية ٍ ..! في وسط عيني تناما. |
|
اللي سرح متخيل ٍ وصفها زين. | |
|
| بيذوب قلبه قبل نطق الكلاما. |
|