عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالعزيز محمد المالكي > شمس المغفرة

السعودية

مشاهدة
649

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

شمس المغفرة

من الشباك ..
تمد ب: مرحبا بك ايدها أُمك . ولا تلقاك .!
ثمان سنين ..
والشباك ما يفتح ل: احد .. الا لها
ويا ليتها تلقاك ..!
تصدق عاد ..
من ترفع يديها للدعاء . والمغفرة تلقاك؟!
تحت اقدامها، وتدعيك:
وليدي قوم ل: فراشك ..
حمد يمه ..
فديتك قوم . يا يمه .!
وانا اكسر خاطري، وما اقول:
يا يمه . انا برّاك .!
واظل اشبهك، وارعاها ..
واقول:
شوي يا يمه . بعد ما اسقيك من زمزم ..
وبعد ما تبلّعي حبوبك ..
بروح هناك ..
للجنه تحت رجليك ..
وتنسى لا تلملمني معاك، ف: اي دعاء هو لك ..
واروح هناك ..
مثل شرشف صلاة أُلقي على ه: الأرض ..
مثل حِنا يديها اللي تخبي ريحته في كيس ..
وتلّف الكيس بشماغك . وتتحراك ..
ليومٍ فيه نتزوج ..
أنا ..
وياك ..!
هنا
وهناك ..
اقلب كل جدران الغرف . واقراك ..!
وارد اقراك من غرفه ..
إلى غرفه ..
إلى غرفه ..
عشان أحيي بها ذكراك ..
هنا:
ياما كثير أبكاك . وأبكاني ..!
حداد أُمي، وبرد اليُتم، والليْ أبكاك ..
وهنا:
ياما اجيك من اللعب ف: الشارع أبكي لك ..
من أية جرح . ينزف دمه من يدي ..
وتلف الشاش فوق القطن ..
وانسى من حنانك وخزة الاشواك ..
وهنا:
باقي بعض أشياك ..
وهنا:
توقف على الشباك ..
اناظر لك . تناظر ديمه تتحراك ..
ولما تنتبه لي ..
ترتبك ..
تغلق على أيدينك . يا خيي فُرجة الشباك ..!
تصدق عاد ..
اخاف امك، تموت احيان بين ايديّ ..
وتترك حلمها تلقاك .. في نومي ..!
واظل القاها ف: احلامي، تعاتبني ..
من الشباك ..
وتسألني:
أنا هو ليش ما ألقاك؟!
حمد
ياخوك رد البيت ...!
ابي اسمع ف: حس أُمي ..
حنين اسمي
بِ: صوت أُمي ..
كثر ما اغفى تحت اقدامها، وتصحى ..
تصحيني ..
عشان اقوم ل: فراشي . وتدعي لي ..
بِ: دعاء هو لي ..!
تعال وقول:
هذي الشمس بالونه، نفخها النور . طَيَّرها .!
عشاني ف: عيد ميلادي ..
بصدقها .!
مثل ما كنت اصدقها . وحنا صغار ..
تعبت اشبهك ف: غيابك، وحنا كبار .!
واقلّد مشيتك ...
وخطاك ..
لِ: ان أُمي تحب تحياك ..
حمد
حمد
تكفى تعال أحياك؟!
عبدالعزيز محمد المالكي
التعديل بواسطة: عبدالعزيز محمد المالكي
الإضافة: السبت 2013/02/02 11:06:29 صباحاً
التعديل: الأحد 2013/02/10 11:15:24 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com