تاريخ الاضافةتاريخ التعديل
الجمعة، 22 فبراير 2013 06:38:46 م بواسطة حسن إبراهيم حسن الأفنديالجمعة، 22 فبراير 2013 08:16:58 م
0 415
يلا سافر يلا سافر
يلا سافر
يلا سافر يلا سافر
وشيل معاك كل المباهج
وارسم الأشجان دفاتر
خلي جرحي وراك غاير
وخلي ليل ما ليه آخر
وشيل معاك نبض العواطف
وشيل معاك أحلى المشاعر
يلا سافر يلا سافر
وخلي جفني بدمعه ماطر
خلي قلبي معاك يهاجر
غير سعادتك ماني داير
ولي رضاك دايما بغامر
بس تذكر وابقى فاكر
لما أبقى وراك مسافر
أبقى صابر وأبقى صابر
وانسى غايب ما هو حاضر
ما بلاقيك بالبشاير
لا جزع لا دموع محاجر
يلا سافر يلا سافر
وخلي جفني بدمعه ماطر
خلي قلبي معاك يهاجر
شيل معاك كل الأزاهر
وشيل معاك من صبح باكر
وشيل معاك الليل بساهر
وشيل معاك بهجة مناظر
وخلي جرحي نزيفه دافر
يلا سافر يلا سافر
وخلي جفني بدمعه ماطر
خلي قلبي معاك يهاجر
ما الألم في داخلي عابر
لا رحل ولا يوم يغادر
زادي شوق , ذكرى الغوابر
نرضى بالأحزان نساير
ونحتسي الآلام مراير
يلا سافر يلا سافر
وخلي جفني بدمعه ماطر
خلي قلبي معاك يهاجر
خليني أجابه للمصاير
خليني باكي وفكري حاير
لا أنيس لي لا مسامر
قلبي خافق ليك طاير
يا الأمير لي قلبي صاير
يلا سافر يلا سافر
وخلي جفني بدمعه ماطر
خلي قلبي معاك يهاجر
يا قمر من بيتنا غادِر
ويا شمس جافي المعابر
غاب نجمي وما هو ظاهر
داخلي تشويه المجامر
واكتم الشجن المجاور
خلي لي دمعة محاجر
شيل معاك أغلى المشاعر
يلا سافر يلا سافر
وخلي جفني بدمعه ماطر
خلي قلبي معاك يهاجر
ماني عارف للمصاير
وماني فاهم الحولي صاير
بيتنا كان بهجة ومناظر
وكان صغارنا وكان حراير
والزمن جايينا غادر
والقدر هاجم وقاهر
لا بعدي ولا بساير
واليعيش بيشوف مراير
يلا سافر يلا سافر
وخلي جفني بدمعه ماطر
وخلي قلبي وراك يهاجر
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. عامِّي415
لاتوجد تعليقات