عناوين ونصوص القصائد   أسماء الشعراء 
الشعراء الأعضاء .. عامِّي > مصر > محمد عبد القوى حسن > غناوى الروح

مصر

مشاهدة
497

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

غناوى الروح

طالعه البشاير من عيونك
صبح بيحاكى صفاء الشوق
وانت بتهلى على جسر العبير
نازله على كمك
عصافير من ابريل الغيطان
بتوشوشك بالسر
تتبسمى
فيميل جريد النخل
ويهادى حنان قلبك
بهزه من ربيع
يطلع دعاكى من على فرع اللمون
وطن من مايو يحضنى
فيكسينى
بخضرة كون فى
شرايينى
حليب الطيبه والعناب
يا سهرانه
على اخر شعاع للنور
تحنى ملايكة الجنات
القانى بين ترعة مصيرك
طفل بيلملم قدوم الطيف
من على وش العصارى
اللى تلامس زرعك الطالع
حكاوى واغنيات من مهج
بتسيل
فتروى النيل بدمعاتك
وتكسى الشط
على طميك تملى تحط
وبتلامس ندى المشاوير
سكن من طيبه بيغازل
حنان الكون
وانا المفتون بتحنانك
اراضى الكل علشانك
واجمع من على
قسمه ونصيب الطيبين فيكى
نشيد الروح
امل مسموح لكل الخلق
عجين مفرود
لافران البشر والطير
سلام من قلب بينبت ف محرابك
ونسماتك دعا مقبول وكف يهادى ويراضى
وصوت بينادى حكاياتك
بعلو الحس متوضى
ببقايا الروح
ندى قلبك فى اوردتى
بيحيينى
ولا اقدر امد اليد
ولا اعدى
فى محراب السنين الشوق
اهادى بقلبى ايامك
ولا املك تراتيلك
فى صبح وعصر
فى احضانك
ابات باكى
محمد عبد القوى حسن
التعديل بواسطة: محمد عبد القوى حسن
الإضافة: الأحد 2013/03/03 10:47:02 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com