تاريخ الاضافةتاريخ التعديل
الأربعاء، 6 مارس 2013 04:53:19 م بواسطة حسن إبراهيم حسن الأفنديالأربعاء، 6 مارس 2013 07:45:15 م
0 487
بعدك نشوف المر
بعدك نشوف المر
وحياتنا ما بتسر
أبوك بي شيب وكُبر
ما بقدر يشد ويجر
كنت السيف بيده نتر
وكنت عشاه كنت نظر
لو في يوم بتتأخر
شوف كيف قلبه يتفطر
وشوف لدموعه تتقطر
بحبك بس وما أكتر
وقت الغربة باقية قدر
أبوك قبلك تعب ودر
وياما بكى وبكى اتحسر
شرب المر وضاق لأمر
جبره فقر وعاد أفقر
لا خيل ولا هنتر
سائل المولى من كل شر
يحفظ ليك وما في ضرر
يخليك بالعزم لا تفتر
وعارفك من صغير عنتر
لا تقبل مذلة حقر
وأبقى الفارس الأكبر
ناس للمال بتتصغر
وناس في الغربة ليها ضهر
حكمة وجاش وبعد نظر
ما في نفاق وما في بطر
وللمظلوم تشد أزر
يوم يجيك على غفلة خبر
قول أبوي كان كفه مطر
وقول أبوي خلف لدرر
يحيا فينا عزيز وأغر
سافر بس لا مات لا هجر
وجسده إن كان رقد بحفر
يبقى الحاضر إن غاب يحضر
كيفن نكون بعدك يا قمر
ما أظن نغالب نحن كدر
بلا بصيرة عدم لبصر
والله حياتنا بلاك كدر
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. عامِّي487
لاتوجد تعليقات