تاريخ الاضافة
الأربعاء، 6 مارس 2013 10:09:26 م بواسطة ملآذ الزايري
0 594
ياكاتب التاريخ
ياكـاتـب الـتـاريـخ مـمـنـوع الإجـحــاف
تنـشـد عــن الإجـحـاف يــوم القـيـامـه
علـيـك بالـعـدل الحقيـقـي والإنـصــاف
وأبــشــر نــهـــار الـزلــزلــه بـالـسـلامــه
إبحث عن الأعيان من كل الأطراف
وأكتـب عــن رمــوز الـوفـا والشهـامـه
راع التعـنـصـر والتـجـاهـل والإســـراف
تــبــرك ركــابــه عــنــد بــــاب الـنـدامــه
والـكــذب والـتـزويـر مـاحـقـق أهـــداف
والـرجــل تـعــرف قيـمـتـه مـــن كــلامــه
حنا البقوم أبطال ، فرسان ، عـرّاف
لــنـــا مــــــن الــتــاريــخ ذروة ســنــامــه
حــنــا لــنــا يــــوم الـمـواقـيـف مـيـقــاف
ميـقـاف طـيـب وعــز نـفـس، وكـرامـه
حـنـا معـادنـا ذهـــب حـــر ، وأشـــراف
عــلــى بــيــاض الــوجــه والإسـتـقـامــه
وافـيــن فـــي كـــل المـهـمـات ونـظــاف
مـانـلـبـس ثــيــاب الـــــردى والـمــلامــه
يـــوم الـحـرايـب والـمـغـازي والإنــكــاف
لــنــا عــلـــى كـــــل الـوجــيــه الـزعــامــه
خيالـنـا يـركـض عـلـى خمـسـة أولاف
شهـد بهـا اللـي جـعـل تـرحـم عظـامـه
لانــدفــع الـجـزيــه ولانــاخــذ أحـــــلاف
حـلـيـفــنــا الـــلــــي مـايــغــطــه مــنــامـــه
يــوم القـبـايـل بـيــن نـاهــب وخـطّــاف
وراع الـشــداد يـطــش راع الـمـسـامـه
يــوم الـعـرب فـيـهـم ثقيـلـيـن وخـفــاف
هــــــذا يـــشـــد وذاك يــثــبــت مــقــامــه
زمــانــنــا مـاسـاقــنــا قـــــــدم وخـــــــلاف
نـثـبـت ونـرســي، قـــو عـــزم وقــرامــه
مثل الجبال اللي ورا الطائـف أرداف
الـشـامـخــه مـابــيــن نـــجـــد وتــهــامــه
تـشـهـد لـنــا الأجـنــاب لـعّـابـة الـقــاف
وتاريخنـا أبيـض مادخـل فـيـه شـامـه
وليا إجحدونا أهل الدعايه والإرجاف
يـحــجــهــم مـــجــــدٍ لـبــســنــا وســـامــــه
والله مــاتـــنـــزل لــغــتــنــا لــلإســـفـــاف
يـابـعـدنــا عـــــن مـــفـــردات الــرخــامــه
وليـا عــزف بالـكـذب والــزور عــزّاف
خـــلــــه يــطــبّـــل لا نـــهــــار الـقــيــامــه