أشهد إن البل غلاها في فوادي | |
|
| ماغبطت أهل التجاره والزعامه |
|
وأشهد إن البل حلال أهل الشدادي | |
|
| ماخلقها الله حلال أهل الرخامه |
|
هي عمود المرجله علمٍ وكادي | |
|
| وهي كرامة من بغى باب الكرامه |
|
|
| في مفيضٍ ربلته تركب ثمامه |
|
والفحل يرجس على الجل العيادي | |
|
| بينها شامخ مثل قصر اليمامه |
|
عربوا ساسه مشاويم البوادي | |
|
| زين من خفه ليا ذروة سنامه |
|
قالوا أصحاب النظر، ماله ملادي | |
|
| حضرة المليون مايسوى رثامه |
|
البل البل، حبها شربي وزادي | |
|
| من عظام المال، ماهي من حطامه |
|
|
|
عزوة الظفران طلقين الأيادي | |
|
| يوم شور الحرب مفتولٍ زمامه |
|
ليا تناخوا بالعزاوي والتنادي | |
|
| دونها تقدح مشاهيب القرامه |
|
ومن قصر في حق مقرعة التوادي | |
|
| يلبس ثياب المذله والملامه |
|
حقها ضرب القنا بين الثنادي | |
|
|
في نهارٍ تنقلب شمسه سوادي | |
|
| يذهل الرجال وتطيح العمامه |
|
قلب راعيها مايطريه الشرادي | |
|
|
خيال البل يوم سلات الهنادي | |
|
| في ضحى يومٍ مثل يوم القيامه |
|
مثل بن جرشان لاركب الجوادي | |
|
| أخو نوضا جعل فالجنه عظامه |
|
ومسلط البعاج سقمٍ للمعادي | |
|
| عطر الله مرقده وأعلى مقامه |
|
يوم صاب القوم خفه وإرتعادي | |
|
| نومس العذراء وحبتها وسامه |
|
ومثل قطنان الدهيمي فالطرادي | |
|
| مرعب قلوب العدا، مروي حسامه |
|
ونعم فرسان القبايل بالعدادي | |
|
|
فاح صدري مثل فوح أم القنادي | |
|
| هايمٍ في حب ريمه والنعامه |
|
ماعشقها اللي يشجع كل نادي | |
|
| ولانظام اللي يحب البل نظامه |
|
أه يامبداي في روس المبادي | |
|
| في طرف ذودٍ غطا العبله جهامه |
|
فالديار اللي مفاليها جدادي | |
|
| نجد الأنجد لا الحجاز ولاتهامه |
|
|
| يامكان العز والمجد ومقامه |
|
ياسنام الأرض في حاضر وبادي | |
|
| ياديار الوجه الأبيض والوسامه |
|