عناوين ونصوص القصائد   أسماء الشعراء 
الشعراء الأعضاء .. عامِّي > السعودية > هلال العتيبي > ذوق
هلال العتيبي
هلال العتيبي

السعودية

مشاهدة
1123

إعجاب
0

تعليق
0

مفضل
0

الأبيات
0
إغلاق
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

ذوق

صاحبي ياعل مايلقاه عوق
وان مشى دربٍ عسى الله يسمحه
ياعسى تنصاه الافراح ويروق
جوّهويارب حقّق مطمحه
كلّما خيّل على المنشا بروق
يحسب ان الارض خضرا مصبحة
ويحسب ان الشوق يتبدّل بشوق
والاماني في يديني ممرحة
اتصاغر كلمتي لن قلت ذوق
يانصيب العمر مرة يمنحه
انت معدن مانْجلب في كل سوق
راس مال اللي هواك ومربحه
مير قمت تكرر اعذاروطروق
كن ودّك قلب خلّك تجرحه؟
لاتلوم النبض والقلب الشفوق
لهفة العاشق مرارٍ تفضحه
وان نويت الهجرة وعزمك صدوق
ودّعه قبل السفر واستسمحه
بلّغه لاينتظر شمس الشروق
واحرق اوراقه ودمّر مسرحه
ماحصل منّي خلاف ولازهوق
ولاخطاً واضح وعيني تلمحه
ولاخبرت انك على الجفوة سبوق
ادمح الله كل ذنبٍ يدمحه
شوفني كبلت لك هذا الخفوق!
باعثه من دون ريشٍ واجنحة
في ظهر لوري مع الاغراض فوق!
للسموم وللهبايب تلفحه
وفّ مابينك وبينه من حقوق
وفي سراديب الجفا المر اطرحه
وان ثبت ظلمه وطيشه والعقوق
سامحه والا اسجنه والا اذبحه
وان ذبحته خلّك بذبحه رفوق!
واختر اسرع قاتل من الاسلحة
واسكب ادموع الحزن من كل موق
واحمله عاجل على اقرب مشرحة
شوف وش تلقى بدمّه والعروق؟
شي صعيبٍ ينفهم لو نشرحه؟!
م انت لاقي غيرك بكل مْعلوق!
انت قلبه وانت سعْده وفْرحه!!
هلال العتيبي
التعديل بواسطة: هلال العتيبي
الإضافة: الخميس 2013/04/04 04:19:21 مساءً
التعديل: الجمعة 2013/04/05 12:07:39 صباحاً
إعجاب
مفضلة
متابعة
أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق

أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com