تاريخ الاضافةتاريخ التعديل
الخميس، 4 أبريل 2013 12:27:57 م بواسطة هلال العتيبيالخميس، 4 أبريل 2013 08:08:26 م
0 934
جلد الذات
حصدت الصمت وانا باذرن قمح الحكي بالكوم
حسافة ياكثر زرعي وياقلّة محاصيله
وانا مااحب جلد الذات ولااعشق سياط اللوم
ولاارسم للاماني حلم واغرق في تفاصيله
وسوق الرخص مافكرت اجيه ولا اشري ولا اسوم
اعاف اللي بخس وزنه والوم مطفّفٍ كيله
احب اللي هواني واعشقه بالساعة وباليوم
ولا انسى صحبة الغالي ولو شحّت مواصيله
افصلّه من احساسي ومن خام القصيد هدوم
واجيب الحرف من بستان ورد وود واهديله
انا مااكون شاعر كان م اهدي للنجوم نجوم
واغيّر للشفق لونه وابعثر للقمر ليله
يسافر له حنيني كلما انشا في سماي غيوم
عشانه محتويني طول عرض وهمي يشيله
عليه من الغلا ومن الحلا ومن الجمال وسوم
اليا ناموا عباد الله غزاني جيشه وخيله
إسم الشاعرإسم الكاتبالبلدإسم القسمالمشاهدات
هلال العتيبيهلال العتيبيالسعودية☆ دواوين الأعضاء .. عامِّي934
لاتوجد تعليقات