تاريخ الاضافةتاريخ التعديل
الجمعة، 5 أبريل 2013 02:20:10 م بواسطة هلال العتيبيالجمعة، 5 أبريل 2013 06:32:18 م
0 454
في نصرة رسول الله
ليت القلم يكتب على مدّ شوفي
ويترجم إحساسي فصاحة وتعبير
ليت الشعر ياسيّد الخلق يوفي
ويكون له في داخل النفس تأثير
اليا طرى اسمك من سعادة حروفي
الحرف من كثر الفرح ودّه يطير
يارحمة الرب الغفور الرؤفي
للجن والانس أرسلك سايق الخير
ياليتها لمست كفوفك كفوفي
ياليتني من صحبتك ف المسافير
حيث ان حبك ساكن (ن) وسط جوفي
لو كلّي ذنوب وجهالة وتقصير
شوفتك بشرى للخفوق الشغوفي
ليتك تجي تشرق بك الروح وتنير
فالحلم زرْني بدّد انواع خوفي
طيفك دخون يعطّر النفس تعطير
ياسيدي غاية مناي وشفوفي
جيرتك فالفردوس لاغير.. لاغير
ياتاج راسي ياعظيم الوصوفي
ياخير هادي يا شهير المشاهير
ياخير من ضافوا عليه الضيوفي
وخير من ساق الامل والتباشير
ياناصر الحق وعوين الضعوفي
ياهادم اصنام البدع والاساطير
اليا تكلّم فيك خبل مخفوفي
صوّرك فاوراق المجلات تصوير
لنصرتك ناقف صفوف وصفوفي
نذب عن عرضك حشود وطوابير
بالدين دونك والقلم والسيوفي
نصد الانذال العلوج الخنازير
ويارب توبة قبل تدني حتوفي
وحط لي في ظلمة القبر تنوير
نهار تعجز عن ذنوبي كتوفي
الطف ودبرني على خير تدبير
واغفر لعبدك في نهار الوقوفي
طهّرني من الشرك والكفر تطهير
وازكى صلاة الله ميات الالوفي
على رسول الله ماغرد الطير
إسم الشاعرإسم الكاتبالبلدإسم القسمالمشاهدات
هلال العتيبيهلال العتيبيالسعودية☆ دواوين الأعضاء .. عامِّي454
لاتوجد تعليقات