يا محتكم لامر الزمن وينهم وين | |
|
| من كان قبلك يفتخر في زمانه |
|
غرتهم الدنيا وصاروا مجانين | |
|
| في حبها وايضًا خذوها تكانه |
|
ضحكت لهم وارهت هدبها على العين | |
|
| سلَّهامها ياما ذبحهم ميانه |
|
قالوا تمون إليا دعتنا مجيبين | |
|
| الربح فيها والفرح والمكانه |
|
لن قلت ربي قسَّم العمر عمرين | |
|
| والعمر بالدنيا قريبٍ محانه |
|
والعمر الاخر لو تكونوا محصَّين | |
|
| ما بين نار وبين عالي جِنانه |
|
قالوا ترانا نذكر آمين آمين | |
|
| ونركع ونسجد بالبيوت المصانه |
|
إن قلت حنوا للضعوف المساكين | |
|
| قالوا تبينا للضعوف الحضانه |
|
حنا جمعنا وأخر الوقت معطين | |
|
| لا والله الا نعتبرها خيانه |
|
الخير ما ينقص زروع البساتين | |
|
| واقروا كتاب السنبلة باستكانه |
|
قالوا على الله كلنا مستحقين | |
|
|
يا باغي الدنيا تراها براكين | |
|
| ومن تحتها نار اللظى مستكانه |
|
يعني بلحظة تاكل الزين والشين | |
|
| وتُرمى على رمل الثرى بالمهانه |
|
مامورةٍ والامر لله بحرفين | |
|
| كافٍ ونون ولا عليها عصانه |
|
اللي يبي درب السعادة له الدين | |
|
| العروة الوثقى عليها متانه |
|
بجنان ربي بالاريكة متَكين | |
|
| الخُلد فيها والسعد والسكانه |
|
يسكن بها كل العباد المصلين | |
|
| الركَّع السجَّد خشوع وطمانه |
|
يعطون لله بالعطايا كريمين | |
|
| وكنَّ الدراهم في يديهم كنَانه |
|