عناوين ونصوص القصائد   أسماء الشعراء 
الشعراء الأعضاء .. عامِّي > السعودية > نجد بنت مطير > مجروحه

السعودية

مشاهدة
818

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

مجروحه

من يقول الشعر ..والا من يجيده
يدرك المضمون في قافي وياوى
المعاني كانها ماهي فريده
ردّها لاهل السوالف والحكاوى
وجد حالي وجد من همه عضيده
مشغلٍ فكره مع هجوسٍ تطاوى
لا متى نفسي من الدنيا زهيده
والاصابع لو اقاربها تساوى
في زمنّا ما وجدنا اللي نريده
لين شفنا ذياب خيبتنا ..تعاوى
انشد القلب المعنّا .. عن وريده
كم جرحٍ .. في مداهيله.. تقاوى
المواجع .. نصّها .. ماهي جديده
من قديم الوقت في عيني تراوى
وين اشيل الهم والا وين احيده؟!
كن حزن الامس مع دربي تخاوى!!
خلّني عن شرهة .. العالم بعيده
والجروح ان ما تفارقني تشاوى
راس مالي .. يا معاناتي .. قصيده
قلتها من قبل لا ضلوعي تهاوى
قلتها من الضيق .. ماني مستفيده
غير جرّة صوت ما منها آتداوى!!
نجد بنت مطير
التعديل بواسطة: نجد بنت مطير
الإضافة: الأحد 2013/04/07 03:57:49 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com