تاريخ الاضافة
الخميس، 11 أبريل 2013 10:16:40 م بواسطة هلال العتيبي
0 456
غزال الحمى
يانسيـم الصبـا قلبـي صبـا والشـوق نـصّـب عـلـى قلـبـي سحـابـة
جيت كلـي خطـا يـوم الخطـا درب الخطـا فيـه حثيـت الخطـاوي
احسـب الحـب واقـه وانصفاقـه قـلـت اشـوفـه ووقّــف عـنـد بـابـه
جيت اجرّب قدر نفخة صدر مدري كبـر والا انـا ماكنـت نـاوي
الـبـحـر يـغــري الــمــلاح والــمــلاح ســبــاح فــــي نــشــوة شـبـابــه
جـو هـادي قمـر بـادي طمـوحـي غـيـر عــادي وكـثـرن الهـقـاوي
الفضـول وعمـى الـراي وغـروري والهـوى كيـف يخدعـنـي سـرابـه
عقلـي اوهمنـي وقلبـي خدعني واثـرنـي طـحـت فالـحـب امتـسـاوي
ليت من غاب عـن عينـي وطـوّل غيبتـه يتّصـل حضـرة جنابـه
كان يقوى علـى الهجـران انـا مانـي علـى الصـد والهجـران قـاوي
القـمـر والمـطـر والشـمـس والازهــار والبـحـر تشـكـي مــن غيـابـه
جاذبـيـة غـرامــه تـجـعـل الـلــي فـــي مـــداره وفـــي جـــوّه هـــواوي
احتجب في عسام الوقت وانا ضعت فـي عجّـه وعتمـة ضبابـه
واصبحـت شوفتـه متعـذّره فـي الواقـع وصــارت احــلام ومـنـاوي
ياغـزال الحـمـى دمـعـي هـمـا والقـلـب روّحــت بــه عـنـدك نهـابـة
مستحيـل اكبـح الاشـواق والاشــواق تــدوي كـمـا السـيـل النـحـاوي
كلمـا مــر طيـفـك داعــب الخـفـاّق مــن بـيـن الاضــلاع وسـرابـه
كنت احب اجتماعات البشر واليوم محبوس في سجنك خـلاوي
انـت ياملـهـم الشـعـر ومــلاذ الـشـوق دوّنــت فـيـك احـلـى كتـابـه
كلـمـا تـرحـل مــن الـذاكـرة والعـيـن احـصّـلـك فـالـوجـدان ضـــاوي
اعطني قلبك وعهد الهوى واطلق شنب لو وقف دونك ما اهابه
لوجمع سيف عنتـر رمـح ابـو زيـد وشجاعـة شليويـح العطـاوي
كـيـف اهـابــه وانـــا منـجـومـي ثبـيـتـي وبـرقــاوي وربـعــي عـتـابـه
نجـرح قلـوب عـدوان الوطـن والديـن قــول وفـعـل نـجـرح نــداوي
إسم الشاعرإسم الكاتبالبلدإسم القسمالمشاهدات
هلال العتيبيهلال العتيبيالسعودية☆ دواوين الأعضاء .. عامِّي456
لاتوجد تعليقات