عناوين ونصوص القصائد   أسماء الشعراء 
الشعراء الأعضاء .. عامِّي > السعودية > هلال العتيبي > ليل داجي

السعودية

مشاهدة
672

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

ليل داجي

بالهون ياللي ترمي الناس بالهون
تحذف عباد الله وبيتك زجاجي
الناس مثلك تملك ايْدي ويرمون
رمايهم لو يختبي فالمحاجي
عاد انت ياللي كل يومٍ ولك لون
فرقا لعلك للخلا والهجاجي
في ظني لسانك كبر صرح فرعون
ليت الزمان يجودلك بالعلاجي
ياليت فالاسواق ينباع صابون
حصري لقلب عتمته ليل داجي
وانا احمد الله باني قلاع وحصون
ماصابها صلف الهوا بارْتجاجي
شيدتها فقلوب ربعٍ يرومون
سلم الرجال ويقطعون الفجاجي
واليا نصاني علم راسي وموزون
مانيب ريشة في مهب العجاجي
حظي صقر والشكر لمدبر الكون
من خلقته ماطاح بين الدجاجي
ممشي ورا غرات صاحي ومجنون
ولااشكي الا للكريم احتياجي
ماني بمن ياتي على شان يدرون
آتي على كيفي واروح بمزاجي
الله وهبلي عقل ولسان وعيون
عيني تقديني وعقلي سراجي
مااخاوي الجاهل ولا اصاحب الدون
ولا انعزل واعيش في برج عاجي
بيني وبين اهل النقا درب مصيون
مابه دحادير ونشب وانعواجي
كم صاحبٍ غالي على قلبي يمون
يشرقله احساسي ويضحك حجاجي
دايم مكانه فالمعاليق مضمون
ماهو على ماقالوا انسان لاجي
واهل النقيليات لوكان يحكون
انا بطبعي مااشرب الما الهماجي
ماهمني في غيبيتي وشيقولون
حسب الثقة فالنفس عارف خراجي
ثم اطلب الله رحمته واطلب العون
ياآرب زيًن منهجي وانتهاجي
الكامل الله واكثر الناس يخطون
والمسعد اللي من خطاياه ناجي
وازكى السلام ورحمة الله مليون
كثر الصباح وما ابتدا بانْبلاجي
صلوا على الممدوح فالكوثر ونون
ذكرى النبي تملا الصدور ابتهاجي
هلال العتيبي
التعديل بواسطة: هلال العتيبي
الإضافة: السبت 2013/04/13 06:45:06 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com