السبت.. ياثقله مع ايّام .. الاسبوع | |
|
| والليل .. ياطوله.. وما اصعب.. رقاده |
|
ياقلب لا تحزن .. ولو كنت .. موجوع | |
|
| عجَزْت انا اعلّمك .. معنى الجلاده |
|
أنا ادري .. انّك من عراويك .. ممزوع | |
|
| .وادري بأنك حيّ .. مابك بلاده |
|
لاتبخل.. بضحكِك .. ترى العمر .. مبيوع | |
|
| ابيع عمري .. كاش ..عند السعاده |
|
ماكل من عاتب .. من الناس .. مسموع | |
|
| ولا كل من .. حدّث ..يجيب الافاده |
|
الحرّ جاع .. ولاحنى راسه .. الجوع | |
|
| بيته .. على المشراف .. يشهد هداده |
|
والّليث مايقنص .. لجل عين .. جربوع | |
|
| من سطو .. زندينه .. وقوّ الاراده |
|
والحُب .. في سِلم الاجاويد .. ممنوع | |
|
| .والحُب .. في سِلم المقاريد ..عاده |
|
اهل الكتاب .. تبالغ فحبّ ياسوع | |
|
| ثم مجّدوه .. وصار .. رمز العباده |
|
علمٍ وِصَلْك .. وتالي العِلْم .. متبوع. | |
|
| يامن جهَل ..مضمون ..واصل السياده |
|
ان كِنت .. في نفسِك.. مولّع .. ومخدوع | |
|
| انا ابخصه .. قلبك .. وانا اكشف سواده |
|
والله لتموت .. ولا ظهَر .. منّي خضوع | |
|
| كان النّكد .. طبعك .. فانا امّ النكاده |
|
شفني .. كثر مالحزن .. فالصدر مزروع | |
|
| ورغم ازدياد .. الجرح .. ورغم امتداده |
|
ابقى بشموخ .. ودايم الراس .. مرفوع | |
|
| الدّين .. تاجي .. والمبادي .. قلاده |
|
بقفّل الموضوع .. وادخل بموضوع | |
|
| دام الفكر.. سهلٌ .. عليّه اقتياده |
|
للشعر .. في راسي ..كما قيل ينبوع | |
|
| اجنّبه .. درب الخزى .. والنّقاده |
|
قمّة طموحي .. اسمي يكون مطبوع | |
|
| في ذاكرة جيلي .. هويت الرياده |
|