تاريخ الاضافةتاريخ التعديل
الخميس، 25 أبريل 2013 10:44:46 ص بواسطة سطام بن أحمد الحرابيالخميس، 25 أبريل 2013 07:33:39 م
1 783
صرخة ندم
أنا .. و أنا
و أنا .. و أنا
هالكلمة اللي كلّها كبر و غرور
من قالها ما يراعي لخله شعور
إلاّ أنا .. إلاّ أنا
بقولها مكسور .. بالحيل مكسور
أنا اللي ما ذقت الحياة .. إلا بك أنت
و أنا اللي روحي تتبعك .. وين ما كنت
يا من بحسنه يجرح البدر بالنور
أنا ملكتك و ضعيتك بأفعالي
أنا توقعتك اللي بحاجة وصالي
مغرور ..
مغرور ..
كل ٍ يحبك و ثمّن قدرك الغالي
كلّ ٍ فرش ورد المحبة بدربك
كلّ ٍ عرف وشلون يبقى بقلبك
إلا أنا .. إلا أنا
أنا صرخة ندم .. و ياليت الندم ينفع
و أنا دمعة ألم .. و ياليت الألم يشفع
يردك يا بعد كلّي
أضمك في عيوني فدوتك ..
و أغفي تحت ظلّي
بس اللي راح ما يرجع
أنا ياما جرحت إحساسك العذب بكبر و إصرار
و إصراري وضع بينك و بيني حاجز ٍ من نار
و دلّيتك بنفسي للفراق دروب
و أسباب ٍ بها ما أنطق بكلمة
تعذبني و لا أبدي سوى البسمة
أنا القاسي ..
و أنا نسّيتك الرحمة
أنا ملكتك و ضعيتك بأفعالي
أنا توقعتك اللي بحاجة وصالي
يا أنا .. كم أكرهك
كره الأمل للموت
أجمل سنيني معك
حطيتها فـ تابوت
اختلط يومي و باكر ويّا أمسي
أكره أفكارك
أكره آرائك
أكره أشعارك
آهـ .. يا أنا
وش بقى ؟ صرت آتكلّم ويّا نفسي
وش بقى ؟ ..
راح اللقا .. و حلّ الشقا
يا حبيبي ليتك تشوف اللي يبكيك
كيف عايش ، كيف يصبح ، كيف يمسي
و هو دايم يقول ..
أنا ملكتك و ضعيتك بأفعالي
أنا توقعتك اللي بحاجة وصالي
مغرور ..
مغرور ..
كل ٍ يحبك و ثمّن قدرك الغالي
كلّ ٍ فرش ورد المحبة بدربك
كلّ ٍ عرف وشلون يبقى بقلبك
إلا أنا .. إلا أنا
31/03/2007
إسم الشاعرإسم الكاتبالبلدإسم القسمالمشاهدات
سطام بن أحمد الحرابيسطام بن أحمد الحرابيالسعودية☆ دواوين الأعضاء .. عامِّي783
لاتوجد تعليقات