تاريخ الاضافة
الثلاثاء، 30 أبريل 2013 05:40:35 م بواسطة سليمان الخضراني
0 1317
الصاحب الساحب
الصاحب الساحب طويل الذراعي
اما رفعك الفوق ولا على القاع
اعطيك فكره وانت فاهم وتاعي
وعليك تبصم للمجرب بلاصباع
حذراك لاتدخل بيوت الافاعي
واحذر من الصاحب اليا صار مذياع
لاتامنه بالسر بكره يذاعي
ويصير جلدك بين ماسك وقطّاع
خلك بعيدٍ عنه مافيه داعي
تعطي وتاخذ منه لو كان سماع
عن موجه العالي طويت الشراعي
وماني على كثر الاصاحيب طماع
يكفي عن الميّه حسين الطباعي
لاصار في سرك حصينٍ ومناع
وافي ولك عند المواقف شجاعي
ولك في علوم الطيب مرتع ومرباع
سره منيع وفي ظروفك يراعي
قدره رفيع وعنده الطيب ماضاع
هذا هو اللي عشرته ماتباعي
ويبقى على طول الزمن ضل واشراع
إسم الشاعرإسم الكاتبالبلدإسم القسمالمشاهدات
سليمان الخضرانيسليمان الخضرانيالسعودية☆ دواوين الأعضاء .. عامِّي1317
لاتوجد تعليقات