تاريخ الاضافة
الثلاثاء، 30 أبريل 2013 05:45:12 م بواسطة سليمان الخضراني
0 946
ياشيب عيني
ياشيب عيني من عذابي وانا حي
وياتعب قلبي من هواجيس بالي
يطويني التفكير طيٍ على طي
شيبت قبل الشيب واعزتالي
دموع عيني مرويه خدها ري
من واهجٍٍ بالكبد يصليه صالي
أن قلت مكسور الجناحين فشوّي
حتى الظهر مكسورمما جرالي
حملي ثقيل ولقدر أروح واجّي
مدري قدرها حان ولابرالي
دنيا تقلب كنها النار والضّي
ياسعد منهو خالي الهم سالي
لاتامن الدنيا ترا غدرها سي
لونك محصن بالقصور الطوالي
مادامت الغيري ولا دايمـه لـي
كم من ملوك الارض جاله زوالي
هذا الزمان ودايم العمر يطـوّي
من لايجيه اليوم ياتيـه تالـي
يلادمي تراك مامر ومنهّي
وحكم القدر مايمنعه كثر مالي
واللي زرعته باخر العمر تجني
تاخذ ثمن زرعك وغاب الريالي
في ماقفن مافيه عمٍٍ ولاخي
محدن يبي يعطيك لو كنت غالي
كلن يقول النفس نفسي ويمشي
نجات نفسه مالتفت للعيالي
دنياك مثل اللي مشي واستضل في
لا تعدها لك راس مال وحلالي
والعقل في راسك ترا النفس تغوي
احسب احساب الاخره والسؤالي
وان طعتها تراك غادي ومخطي
لاتطيعها مردها لزوالي
إسم الشاعرإسم الكاتبالبلدإسم القسمالمشاهدات
سليمان الخضرانيسليمان الخضرانيالسعودية☆ دواوين الأعضاء .. عامِّي946
لاتوجد تعليقات