تاريخ الاضافة
الخميس، 2 مايو 2013 02:08:47 م بواسطة سليمان الخضراني
0 810
يابدر شفت الزين وش قال عني
البارحه ولتالي الليل اوني
وصار السهر في وسط عيني علامه
يابدر شفت الزين وش قال عني
يقول شيبك بالصوابر علامه
وانا احسبنك كبرعمري وسني
واحرجني ابهرجه ونبرة كلامه
صوب على قلبي برمحه طعني
وبعثر شعور القلب طير حمامه
يومي سمعته قال؟ ياخوك كني
مانيب عايش ياحياة الندامه
خالف شعوري واختلف فيه ضني
وانا احسبني بالمشاعر غرامه
مدري ظلمه الوقت ولا ظلمني
ولا بدت اشراط يوم القيامه
مانيب فاهم والفهم ضاع مني
وابي السلامه ماحصلي سلامه
حبه غرس في داخلي وامتحني
ياليت عامي مافرق جنب عامه
كان الفرح عندي واعيش امتهني
وابقى على وصله واعيش ابهيامه
لكن هذا ماكتّب لي وصلني
واعيش مع نفسي بعز او كرامه
إسم الشاعرإسم الكاتبالبلدإسم القسمالمشاهدات
سليمان الخضرانيسليمان الخضرانيالسعودية☆ دواوين الأعضاء .. عامِّي810
لاتوجد تعليقات