تاريخ الاضافة
السبت، 4 مايو 2013 04:28:57 م بواسطة سليمان الخضراني
0 611
ياصاح مالي ومال الحب ودروبه
ياصاح مالي ومال الحب وادروبه
دربه طويلٍ وسني مايساعدني
الصاحب الساحب اللي بان عذروبه
بذني سمعته وعيني ماتكذبني
مليت انا من كلام الكذب باسلوبه
والمشكله ون طلبت الصدق حاربني
كل مابغيت اقترب واشوف مطلوبه
يعطيني الكذبه اللي ماتقربني
عذره هو اللي قبيح اقبح من اذنوبه
لكن له الله يحاسبه او يحاسبني
توبه وانا قولها توبه من النوبه
وارجع واحاول معه عله يجاوبني
افصّل الصدق له واقول ذا ثوبه
واكذب العين لكن مايطاوعني
صار الكذب عادته واكله ومشروبه
يصدق الكذبه اللي به يلاعبني
القلب مع ثورته مايطلب حروبه
بالسلم يبغى حياته كلها يعني
رح مثل ماتشتهي وامضي على صوبه
يكفيني اللي حصل مابيك تتعبني
إسم الشاعرإسم الكاتبالبلدإسم القسمالمشاهدات
سليمان الخضرانيسليمان الخضرانيالسعودية☆ دواوين الأعضاء .. عامِّي611
لاتوجد تعليقات