تاريخ الاضافة
السبت، 4 مايو 2013 04:31:06 م بواسطة سليمان الخضراني
0 509
مالي ومال مكثرين السواليف
مالي ومال امكثرين السواليف
اللي اعلومه دون فعلٍ يشافي
اعز نفسي عن اهروج الملاقيف
واللي يقول القول ملزوم يافي
يقول انا سويت والفعل ماشيف
والله هو اللي عالمٍ بالخوافي
وده يجيله كل شيٍ على الكيف
يذن عليه الظهر بالنوم طافي
وليا بغيته عند حزم المواقيف
ماتشوف غير غبار رجليه حافي
وين الهروج اللي بها لمعة السيف
ولا كلامٍ يومه الجو صافي
ياحيف ياهرجٍ بلا فعل ياحيف
لاصار مافعله على القول ضافي
واللي يخاف امقابل الجيش ماخيف
مايحسّب احساب القاء به عوافي
لاتجمعه غله ولا بالمصاريف
ولاتضمنه قدمك ولا بالخلافي
ابعد عنه خلك براس المشاريف
اترك طمان الارض له والسوافي
إسم الشاعرإسم الكاتبالبلدإسم القسمالمشاهدات
سليمان الخضرانيسليمان الخضرانيالسعودية☆ دواوين الأعضاء .. عامِّي509
لاتوجد تعليقات