تاريخ الاضافة
السبت، 4 مايو 2013 04:32:38 م بواسطة سليمان الخضراني
0 498
ابن معيبد قال
ابن معيبد قال قولٍٍ بلا ميل
قولٍ صحيح ونثبته بالوثايق
مشعان اليا منه عطى كنه السيل
يسقى اكبود امن العطش في دقايق
من لابتن بالطيب ذباحة الحيل
شمر اليا منك بغيت الحقايق
ماقلتها من شان بعض المحاصيل
اقولها والقول بالحق لايق
ابو محمد لو بغيت التفاصيل
نجمه علا فوق النجوم ايتوايق
الصعب يسهل مثل شرب الفناجيل
يسعد نضر عينك ولا يعوق عايق
نلقاه ويلقانا على الطيب والهيل
نفسي ونفسه للمعزه سبايق
يزين به طاروقنا والتماثيل
تنصاه قاف الشعر من دون سايق
اقولها واعيدها واسرج الخيل
ابو محمد عزوة اللي تضايق
هذا كلام الجد من دون تمثيل
ويشهد على ماقلت رب الخلايق
إسم الشاعرإسم الكاتبالبلدإسم القسمالمشاهدات
سليمان الخضرانيسليمان الخضرانيالسعودية☆ دواوين الأعضاء .. عامِّي498
لاتوجد تعليقات