تاريخ الاضافة
الأحد، 5 مايو 2013 03:04:21 م بواسطة سليمان الخضراني
0 766
عديت في عالي طويل المراقيب
عديت في عالي طويل المرا قيب
وجاوبت ذيبً تالي الليل بعواه
خطرٍ على قلبي أكسور المحاديب
والصبر شين أوتالي الصبر مقواه
مرحوم ياعودٍ يعرف المواجيــب
قرم اوكريم اولابعد شفت حلياه
رجال عرف اولشجاعه محاريب
يقط راس اللي يعادي بشلفاه
مايمشي الا حاسبه بالمحاسيب
يقيس دربه قبل مالرجل تاطاه
واليوم مركوزٍ عليه المناصيب
عساه للجنه طريقه ومثواه
الموت واحد لو تعد التسابيب
واللي عملت ابدنيتك يوم تلقاه
قم ياعلي ياراعي الجود والطيب
الخبل لاتهابه ولو طالت اخطاه
والفكرلايوّدي لك اليوم ويجيب
قدرك على عيني وراسي تعلاه
واللي مشى في شورهن دايم ايخيب
يجيه يومٍ لذيابه تعشاه
هذا الخبر مافيه شكً ولاريب
أوعزي لمن غير طريقه وممشاه
قم ياعلي وانهض كما ينهض الذيب
عدل ابيوتٍ طايحه ورفع ابناه
يما يعود الماء سليماً على الشيب
ولأ يهف مهفة امقيط ورشاه
وختامها مالي ابكثر المطاليب
صلو على من اسس الدين وارساه
إسم الشاعرإسم الكاتبالبلدإسم القسمالمشاهدات
سليمان الخضرانيسليمان الخضرانيالسعودية☆ دواوين الأعضاء .. عامِّي766
لاتوجد تعليقات