تاريخ الاضافةتاريخ التعديل
الإثنين، 20 مايو 2013 06:13:50 م بواسطة أحمد الظفيريالإثنين، 20 مايو 2013 08:09:44 م
0 539
طفلتي
طفلتي لون البحر يرسم سماك
والغلا مجنون في موجه يقود
شاركيني بالاماني يا لباك
واحضني قلبي بقلبك للخلود
وقفتك لا من لفيتي لي هلاك
جسِّدت روح الشموخ اللي بعنود
منهي ياللي قدها واهيا الملاك
في حلاها حيرت كل الردود
وان مشيتي ما مشى احدن سواك
وان ضحكتي كنك اسرار الوجود
عذبيني بالعيون اللي بلقاك
وافتني برمشن على ليله يسود
عانقيني واغفري لثلجي بدفاك
واعلني حبك ولا تبقي حدود
سولفي لي عن غرامن في حشاك
واسمعي بشوقن غزا قلبي حشود
بادليني في غلاي وفي غلاك
نحتسي طول العمر كل العهود
واشتري شوقي بشوقن من هواك
يمطره شِعري على دقات عود
يا غلا عمري انا قلبي معاك
والبشر بقلوبها كلن يذود
يا حبيبي زينة الحب فبهاك
والغلا بروحي على روحك يجود
T
إسم الشاعرالبلدإسم القسمالمشاهدات
أحمد الظفيريالسعودية☆ دواوين الأعضاء .. عامِّي539