تاريخ الاضافة
الأربعاء، 17 يوليه 2013 12:32:48 ص بواسطة الشمالي جمهور سفر العصيمي
0 410
سوار الليل
ما رجيت من القصيد أكبر غناتي
لو وسمته بالحنش على جبينه
في طويل الرجم كوني يارفاتي
من يهينك ياعسى ربي يهينه
ذعذعي يانود من كل الجهاتي
وإفتحي قفل الصناديق السجينه
أغرقي غصن الجسد بالمرزماتي
عل يروي بعض وجداني غشينه
عيل صبري والعطش يجرح لهاتي
والموارد من لضى الكنّه سخينه
أي طعنه ماتهدد لي حياتي
لو زأر منها الأسد داخل عرينه
شوفي أوراقي وسيل الذكرياتي
بينها خشم اليراع أحدث ضغينه
نوب يطعمها من الزاد الفتاتي
ونوب يكرمها من السمن وسمينه
والسبب حظ ملخبط كل ذاتي
ضد بياعه ورغبة مشترينه
مثل حتى عذبت شيخ النحاتي
في يسار الطرح والا في يمينه
واعذاب الي على جال الصفاتي
دونه السياف ويراقب وتينه
كل ماقلت العوض فالمقبلاتي
إفتحت لي سود الأيام الخزينه
لين صارت دنيتي مبحص قطاتي
والعزي إن الخلق من ماء وطينه
وش بقى فالعمر حتى اقول يأتي
بعد ليل الصب غابوا فرقدينه
ياسوار الليل في معصم سباتي
السهاد الي فرضته فات حينه
كل فجر ما تمخض عن صلاتي
لو وأدته ما يحسفني جنينه
مير أعنزها على الله فالثباتي
قبل تأتي بالخبر عني جهينه
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي410
لاتوجد تعليقات