عناوين ونصوص القصائد   أسماء الشعراء 
الشعراء الأعضاء .. عامِّي > السعودية > الشمالي جمهور سفر العصيمي > كتاب حياتي

السعودية

مشاهدة
989

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

كتاب حياتي

قبل البدايه بالمهيل والأكواب
سميت بإسم المنفرد في غيوبه
الغيث لاح وفيه مالذ ماطاب
حسب اعتقادي يوم ركّز نصوبه
كتاب حياتي ماش زيه ولا كتاب
حتى ولو يزهى على البعد ثوبه
توجف بي الدنيا على كور مرعاب
واسقاني الغدر الخفي سم كوبه
اعوي عوى ذيب على راس مرقاب
من حر مابه قام يمزر جنوبه
إن شاب شعر الراس او عارضي شاب
وين الطبيب اللي أبا روح صوبه
مر اسبرين اضرب ومره فلوتاب
والباش تمرجي بيّدتني حبوبه
مالي جدى ألا عضة الضرس والناب
وأراقب الإعصار واخشى هبوبه
أخذت لي موقف وسويت إضراب
وأعنف هزيمه للمحارب هروبه
كيف أختصر والوضع يحتاج لإسهاب
ياصاحبي شبّت بقلبي شبوبه
فكيت لك باب وخلفه مية باب
مافيه حيله مير صبر ومثوبه
فيني عتب قاسي على بعض الأقراب
يفتح على متصفحات محجوبه
عبر الحبايب والقرايب والأجناب
حتي يصل للنت وأغلب قروبه
أحيان يزعلني على قوم وآتساااب
ونوبه على تويتر وللفيس نوبه
اتقول السلام اقول لك حرب وارهاب
وإن قلت الأسود قلت دم العروبه
اتقول غاب البدر اقول لك نعم غاب
اتقول برد اقول حر ورطوبه
اتقول أجنبي اقول من أصل الأعراب
وإن قلت لندن قلت يبرق جنوبه
اتقول راع البل اقول ابن شباب
وان قلت ابو نواف قلت ابو طوبه
اتقول الرياض اقول سجا وديراب
وإن قلت جبّه قلت وأطراف جوبه
فكري مشتت بين قاضي وطلاب
وأخاف من خطوات غير محسوبه
حتى الهلاليه بعد حب وإعجاب
هجرتها عقب اللقى والخطوبه
وإذا بحكم الشرع اصبحت مغتاب
وزادت على روح الشمالي ذنوبه
يالله ماغيرك إلاهٍ ولا أحباب
توبه إذا أخطيت يارب توبه
الشمالي جمهور سفر العصيمي
التعديل بواسطة: الشمالي جمهور سفر العصيمي
الإضافة: الأربعاء 2013/07/17 05:01:18 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com