تاريخ الاضافةتاريخ التعديل
السبت، 10 أغسطس 2013 10:50:33 ص بواسطة حمد الحجريالسبت، 10 أغسطس 2013 10:56:59 ص بواسطة حمد الحجري
6 497
وش طاري الذكرى
وش طاري الذكرى انا خلت ناسيه
وإلا ليالي البرد تشبه حضوره !
في رجفة ضلوع الاماني مواريه
وفي غيبة القمرا تعالي غروره
ان قلت ابسلى جمّعتني طواريه
واليا اجتمع فيني تبعثر شعوره
ياليل قلّي آخرك وين تاليه !
خوفي آحن وتالي اشتاق ازوره
ماهو عشاني لجل اضمه وادفيه
والا ان بغيت اشتاق يمي عطوره
اول ينادي وابتسم له والبيه
واليوم حال الوصل يندب جسوره
كسرت مجداف اللقا عن موانيه
واخذت قبل البُعد برواز صوره
يشفع لـ بآكر حاضره قبل ماضيه
ان طاح من عالي , تلقفه سوره
اللي اعرفه اجهله قبل ما ابديه
تبكيني الاطلال واشتاق دوره !
هذا انا , والليل , وبارق تواليه
وهذاك وجه الصبح , ما شع نوره
وش طاري الذكرى انا خلت ناسيه
وإلا ليالي البرد تعلن حضوره !
إسم الشاعرإسم الكاتبالبلدإسم القسمالمشاهدات
عبد المحسن الخالديعبدالمحسن الخالديالسعودية☆ دواوين الأعضاء .. عامِّي497
لاتوجد تعليقات