تاريخ الاضافة
السبت، 10 أغسطس 2013 08:48:25 م بواسطة عبدالمحسن الخالدي
0 689
عزاه يا وقتٍ تلاشوا به ارجال
الله على وقتٍ تزايد بغربال
وقتٍ صعيب وكله احلوم شينه
فيه الصداقه صدقها صار ميّال
يوم الرفيق يشيل حقد وضغينه
عزاه يا وقتٍ تلاشوا به ارجال
وين الصدوق الوافي يا ناس وينه !!
وين الذي للهم عن صاحبه شال
نفسـه فـداه وكل مافي يدينـه
راح الوفا / واتبدل الحال بالحال
يا اهل الوفا مات الوفا مع حنينه
انا حسبت انك على السر قفّال
صمـام ما تبدي الامـور الدفـينه
عزاه يا قلبي على ذيك الآمال
عـزاه من وقتٍ تعيسـه سـنينه
وقتٍ غدى راعي الردى فيه يختال
يسـراه تفضـح مـا تقدم يمـينه
يا عين هلّي غـالي الدمع همـال
اذا الصـداقـــه بالمصـــالح رهـينه
نصيحتي ياللي تبي خير الاقوال
انشد عن اخلاق المخاوي ودينه
وعليك باللي دايم الدوم مدهال
ما صك بابه عن ملا قاصدينه
الوقت ما غيّر ابد حال رجّال
الوقت ماضي / والبلاوي دفـينه
إسم الشاعرإسم الكاتبالبلدإسم القسمالمشاهدات
عبد المحسن الخالديعبدالمحسن الخالديالسعودية☆ دواوين الأعضاء .. عامِّي689
لاتوجد تعليقات