تاريخ الاضافة
السبت، 10 أغسطس 2013 11:08:48 م بواسطة هلال العتيبي
0 394
الصعاليك
من قال ابي غيرك ومن قال ماابيك؟
وانت الــذي بيحــت مكنـون عيني
مع كل خفقة داعي الشوق يدعيك
وشلــون الـــوّح للــــوداع بيدينـــي
روّضنــي الوقــت العنيــد وتغليـــك
ياللــي تمخطــر بالغــلا فالوتينــي
طشيت غيم الشوق واسقيت اراضيك
طاريــك يستسقــي سحابـة حنينـي
ماغيــر الاحــي نايحــات الشبابيــــك
طيــرٍ بمكلـــوم اللحــن يبتلينــــي
واقرا بلهفــة عن حيـــاة الصعاليــك
دربٍ مشوه بكــل اسف يحتريني
اخذتني منّي وانا جاي ناصيــك
جايــك قبل مرسول قلبـك يجيني
واليوم هذ انا على حطّة يديـك
القيظ قبل اروى قراحــك رويني
بين الدروب انظر صباك وعواليك
لعـل نسمــة باردة تحتوينــي
اليا نخيتك بالغـــلا قول لبيـك
وان ماتبيني حتى انا (ماابيني)
ياحي هاجوسٍ يجيني بطاريك
انحاش به واسج بيني وبيني
لعلّي اكتب بيت مرمــوق يرضيك
يبقى سواة الوشم فالساعديني
احلى الفرايد صاغها هاجسي فيك
ماكنهــا الاّ النيــل او الرافـدينـــي
واحلى الوصوف النادره منك واليك
سقف الجمال ودونك الفرقديني
والبــدر ماله طاري بعين مغليــك
يكــود بدرٍ مــن جبينــك يبينـــي
إسم الشاعرإسم الكاتبالبلدإسم القسمالمشاهدات
هلال العتيبيهلال العتيبيالسعودية☆ دواوين الأعضاء .. عامِّي394
لاتوجد تعليقات