تاريخ الاضافة
الإثنين، 12 أغسطس 2013 05:25:28 ص بواسطة عبدالمحسن الخالدي
0 321
مجنون
مجنون كانك تقول البعد ذابحني
لا والله إلا بعادك ريّح اعصابي
مابي لك احراج .. ولابي منك تحرجني
حاول تعيش وتشوف العمر ف غيابي
ان كان ودك هزيل العشق يكتبني
ماظن وفيّت سطر ب مجمل كتابي !
شاعر هواوي .. وشوف الريم يلهمني
احّل وارحل .. اساير بالهوى ركابي
احيان لون الشفق والشمس يجذبني
واحيان فيروز ليله يسرق اعجابي
واحيان نفسي ف نفسي حيل تجهلني
والحب واجد .. ودونه قافلٍ بابي
ماكل بيتٍ اقوله .. يعني ترجمني
ولا كل بيتٍ اقوله .. يفقد اعرابي !
مجنون كانك تقول البعد ذابحني
لا والله إلا بعادك ريّح اعصابي
إسم الشاعرإسم الكاتبالبلدإسم القسمالمشاهدات
عبد المحسن الخالديعبدالمحسن الخالديالسعودية☆ دواوين الأعضاء .. عامِّي321
لاتوجد تعليقات