إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
القدس دي مننا باقية ليوم الدين |
نفديها بدمنا من مصر لفلسطين |
حالفين لترجع وهاترجع يايوم حطين |
وترفرف علينا رايتك ياصلاح الدين |
****** |
ياكل عاشق أمتك |
فين رجولتك نخوتك |
فين أيمانك قبلتك |
فين التأخى ومحبتك |
فينها حريتك |
والقدس اللى نادتك |
مسرى النبى وأول قبلتك |
بتنادى الأمة يزيحوا الغمة |
اتارى الأمة ضايعة فى غمة |
ولسه الغمة قايدة النار |
وفاتت سنين ع النار |
وماشيه السنين بالألم مندار |
ياوطن ليه عداك أحرار؟؟ |
واولادك متحملين النار |
القهر فارد ومادد الأسوار |
بعد الخضار والعزوة والدار |
منهوبة عروبتنا |
مسلوبه ياغنوة الحرية |
من عفئة الأحرار |
والراحة مسبيه |
وقلب العليل محتار |
واحنا اللى كنا كتار |
من صلب الجدود أحرار |
عايشين ومش عايشين |
****** |
القدس دي مننا باقية ليوم الدين |
نفديها بدمنا من مصر لفلسطين |
حالفين لترجع وهاترجع يايوم حطين |
وترفرف علينا رايتك ياصلاح الدين |
****** |
شدة وتزول |
ياقدس يا أقصى |
يارب مد العون |
دى الأمة مش ناقصة |
فاتت سنين لليوم |
وصابتنا ميت ناغصة |
هجر الحمام للبوم |
قاعد بالغدر والجاعصة |
باب السما مفتوح |
من قبة الصخرة |
كفوفنا معراج دعاها |
طايل سبع سموا ت |
والرحمه ع الأموات |
المسلمين أخوات |
وأديها مش طايله |
يارب مد العون |
دى الأمة مش ناقصة |
وطن المسيح مجروح |
والعاركه مش خالصه |
قهر اليهود مفضوح |
وسكاتنا فيه ماغصه |
يارب مد العون |
دى الأمة مش ناقصة |
القدس دي مننا باقية ليوم الدين |
نفديها بدمنا من مصر لفلسطين |
حالفين لترجع وهاترجع يايوم حطين |
وترفرف علينا رايتك ياصلاح الدين |