تاريخ الاضافة
السبت، 17 أغسطس 2013 08:21:14 م بواسطة عبدالمحسن الخالدي
0 281
وقت الحصيله
اليوم حان الوقت تطقف الاثمار
زرعٍ زرعته .. جاه وقت الحصيله
حاولت اداري صمتي اللي بك انهار
مير السكوت احيان .. من قل حيله
دقيت في نعش التعاليل مسمار
وان طاح قدرك .. ياغلا من يشيله !
كفلت غدرك لي على ساس الاعذار
لين العذر عيّا .. يطاوع كفيله
تسرقني اللحظه وانا فيك محتار
ويضيع فكري .. والبلا في دليله
ابعْد عن هموم الليالي والانظار
ابعَد من القمره .. على شف ليله
علّي الاقي في تناقضك خطّار
يجود وهله ..في مشاعر بخيله
مير الحقيقه مثل : صحراء وصبّار
قلبك وحبك .. والمسافه طويله
حاولت الملم مابقى لكن انهار
صرحٍ بنيته .. يوم خل وخليله
تدري وش اللي ياغلا فيك قد صار !
ضيعت قلبٍ .. صعب تلقى مثيله
والحين فارق .. احتفظ فيني تذكار
على الاقل تطلع .. بذكرى جميله
وانا بحاول .. قبل تهجيك الاشعار
ماودي غير الهجر .. تلقى فشيله
إسم الشاعرإسم الكاتبالبلدإسم القسمالمشاهدات
عبد المحسن الخالديعبدالمحسن الخالديالسعودية☆ دواوين الأعضاء .. عامِّي281
لاتوجد تعليقات