تاريخ الاضافةتاريخ التعديل
الإثنين، 2 سبتمبر 2013 07:15:56 ص بواسطة أحمد الظفيريالخميس، 17 أكتوبر 2013 02:46:49 م بواسطة أحمد الظفيري
0 591
يا هنوف الزين
لا مشت كلي وقف كني بإشاره
واقفن شاف الحلا والزين زانه
والشوارع نورت ليل بنهاره
والخجل فيها حمر والخد بانه
وابرقت يوم التقتني بالبشاره
واثملت شوقي على لمسة حنانه
دقدقت خفقات قلبي كنها غاره
واشعل بقلبي الدلع طلعة لسانه
هالعسل طير خفوقي مع مطاره
وامطر الدنيا سعاده في زمانه
عذبت فيني المخافق والاثاره
في عيونن رجّعت طفل لحضانه
صرت انا واهيا سوا الحب وشعاره
والغلا يسقي بحبي لك وصانه
والقمر يمكن ترى غير مداره
صار بحضاني وانشهد ذا مكانه
لا شِفِت زينك لقيت اجمل حضاره
وان كتبت اسمك سرحت فاحلا دانه
يا زَهَر حبن قطفت اجمل ثماره
حبك احياني وصنته في امانه
يا هلا بسهيل ياللي جا وزاره
واقبل فزينه وخصره مال لانه
واشتياقي غازله دون اي اداره
واستحى فبسمة خجل فيها ميانه
والهوى تاه وتلملم في قطاره
يتبع المزه وسبق قلبي وخانه
يا عسل برّد على شوقي وناره
واسرع لحضني يبي منك صيانه
واغْنجِ فكل الدلع يا بو الشطاره
هالقلب هام وتولع بس عشانه
واحتمل صدري ونيران الحراره
عاشقن يا قلبي وانفاسك جنانه
يا هنوف الزين يا شمع الاناره
يا غرامن في خفوقي لك بنانه
T
إسم الشاعرالبلدإسم القسمالمشاهدات
أحمد الظفيريالسعودية☆ دواوين الأعضاء .. عامِّي591
لاتوجد تعليقات