تاريخ الاضافةتاريخ التعديل
الجمعة، 20 سبتمبر 2013 08:49:02 م بواسطة هلال العتيبيالجمعة، 20 سبتمبر 2013 10:23:17 م
0 417
مسك
الغالي اللي غايبٍ من شهر آب
لو غاب (500) سنة مانسيته
ماينّسى لو يمتلي صدري عتاب
اوله على حرفه وقافه وبيته
كنهّ مسوّي بين اﻻضلاع مهذاب
ومعمّرٍ في مهجة الروح بيته
له في ميادين الوله خيل واركاب
لو يختفي في عج وقته لقيته
طاريه مسك وكادي وباقة اطياب
ارقى العطور تفوح ﻻمن طريته
مفصّلٍ من خام اﻻحساس جلباب
ومطرّزه بالجاذبيه فديته
مثل النسيم اللي مع الصبح هباّب
لوﻻ صفاته كاملة ماهويته
مايشبه اﻻ نهر في قفر ينساب
وان جف تظماه الحروف وظميته
وﻻيشبه اﻻ غصن في راس مرقاب
مياس ف احضان السحايب مبيته
يابلسم المجروح ياطب اﻻطباب
غروٍ حواني بالغلا واحتويته
انكان ودك تجعل الصمت محراب
صمت المشاعرظلم لجلك رضيته
تعال قاف الود والشوق ماشاب
اليااشرقت شمس الهجوس ابتديته
واللي سكن مابين جفنك واﻻهداب
ياكبر ذنبك كان منها نفيته
في كل يوم يطيرلك شوقه اسراب
ي اجمل غرام بنبض قلبي شريته
حرفك على ثغر المزن بسمة اعجاب
واتلى اﻻسم من روعتك نال صيته
إسم الشاعرإسم الكاتبالبلدإسم القسمالمشاهدات
هلال العتيبيهلال العتيبيالسعودية☆ دواوين الأعضاء .. عامِّي417
لاتوجد تعليقات