تاريخ الاضافةتاريخ التعديل
الأحد، 6 أكتوبر 2013 09:43:19 م بواسطة حمد الحجريالأحد، 6 أكتوبر 2013 09:44:55 م
1 1338
عزة في هواك نحن الجبال
عزة في هواك نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وانا حالى حال
متين أعود أشوف ظبياتنا الكحال
زة ما سليت وطن الجمال
ولا ابتغيت بديل غير الكمال
وقلبي لي سواك ما شفته مال
خذيني باليمين وانا راقد شمال
عزة ما نسيت جنة بلال
وملعب الشباب تحت الظلال
نحن كالزهور فوق التلال
تشابي للنجوم وانا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسع ما عرف الملال
أظنه ود قبيل وكريم الخصال
عزة ما اشتهيت نوم الحجال
ولا السوار بكى في يمينا جال
وعزة في الفريق لي ضيق مجال
قبيلة بيت قبيل ملأ الكون رجال
عزة شفت كيف نهض العيال
جددوا القديم وتركوا الخيال
روحك يا ام سماح سرى كالسيال
شجوا الفؤاد حيو محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة في جنان شمبات حبال
وعزة لي ربوع ام در جبال
وعزة في الفؤاد دوا يشفي الوبال
إسم الشاعرالبلدإسم القسمالمشاهدات
خليل فرحالسودان☆ شعراء الفصحى في العصر الحديث1338