تاريخ الاضافةتاريخ التعديل
الأحد، 13 أكتوبر 2013 06:49:26 م بواسطة سطام بن أحمد الحرابيالأحد، 13 أكتوبر 2013 07:05:50 م
1 656
زعول
قالوا إني زعولٍ، و السبب شي صغير
قلت لا شكّ ما يدرون من هو الزعول
شافوا القشّة اللي طاح منها البعير
مير ما شافوا اللي تحتها من حمول
ظنّوا الحِلم ضعفٍ مثل ضعف الغرير
ولّوا أهل الجمالة، ولّوا أهل العقول
كنّنا ما أخذنا عِلم لو باليسير
و كنّنا ما اهتدينا وْ لا عرفنا رسول
البلا بينهم غالي أحبه كثير
كلّ ما شبّ نارٍ، تحترق بي حقول
و كلّ ما قلت آهٍ من لسانٍ شطير
قلت يكفي حبيبي وْ كنّ ما كنت أقول
تهتني به عيوني يوم أشوفه بخير
و لو أشوفه مكدّر، كلّ فرحة تزول
خوفي اني أعافه و أقطعه في الأخير
كلّ موجوع يلقى له علاج و حلول
سطام بن أحمد الحرابي
13/10/2013م
إسم الشاعرإسم الكاتبالبلدإسم القسمالمشاهدات
سطام بن أحمد الحرابيسطام بن أحمد الحرابيالسعودية☆ دواوين الأعضاء .. عامِّي656
لاتوجد تعليقات