عناوين ونصوص القصائد   أسماء الشعراء 
الشعراء الأعضاء .. عامِّي > السعودية > امجد الدبيسي > المال ..

السعودية

مشاهدة
878

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

المال ..

زان القصيد وزان مرسول الاحساس
وقمت انصف اللي ضاع زينه وشينه
يالمال وش ذنبك يسبونك الناس
وانته على مذهب رفيقك ودينه
ان جيت في صرّة كريمٍ وقرناس
ماتدري يساره بمدّة يمينه
تلقاه مايحسب رصيده بالاكياس
مايطمع إلا بالعلوم السمينه
ودايم مابين الخلق مزبن ونبراس
وذكره يجوب اهل القرى والمدينه
ياكم على يدينه يزولن الاتعاس
الله على جوده وكرمة يدينه
بلاك لامن جيت بيدين ملاس
اللي على الدينار يبدا حنينه
مايقضي اللازم ولايرفع الراس
لانافعٍ نفسه ولا وآلدينه
لأن الشحيح يموت ويدينه يباس
ولايبل ريق الوصل لاقيل وينه
ولو اطلبوه انفاس ما مد الانفاس
الله على عقله وحاله يعينه
وان حدته دنياه مايجلي إعماس
الوجه كاشر والخفايا ضغينه
غديت له نقمه مثل رمح جساس
لولا الغدر! ماذل وارخا جبينه
لاواهني اللي تجيله على ساس
وينخاك لاشاف العرب منتخينه
طلقة وجه في كل موقف ومجلاس
ويعينه اصله مثل ما انته تعينه
وياشيب عين الحُر لاذاق الافلاس
يلعن ابو حظ الليال اللعينه
لا استفزعوبه يضرب اخماس باسداس
ولولا الشهامه! ما اشتكى يوم دينه
مابين فتل الشارب وبين الاضراس
ماله جدا ياكون يندب سنينه
يالمال خذها كاش من بين الاقواس
انته على مذهب رفيقك ودينه
ان زآن! زنت وزانت الناس للناس
وان شان مملوكك طواريك شينه
امجد الدبيسي
التعديل بواسطة: امجد الدبيسي
الإضافة: الاثنين 2013/11/11 07:52:56 مساءً
التعديل: الثلاثاء 2014/01/07 12:31:45 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com