تاريخ الاضافة
الثلاثاء، 17 ديسمبر 2013 09:39:59 ص بواسطة ماجد بن خرصان
0 426
كنت احبه
خيروني بين هجرك....والوصل
قلت لا خلوه.......عن عيني بعيد
مابي_اشوفه ....ولا عندي امل
اني افرح .....لو بدينا من جديد
كنت-احبه....واعشقه حد الثمل
لين صار اسمه وسط قلبي وحيد
وكنت ماطيق ....المح بعينه زعل
وارسم البسمه له ...وحالي نكيد
وكنت أهديه افضل ابيات الغزل
ولاعجبه-البيت ..قال ارجوك عيد
ولا ختمت يقول..شعرك ذا جزل
ودي اعرف؟كيف تكتب هالقصيد ؟
وكنت افز .....اليا تجرا واتصل
وكني لحالي ...على الدنيا سعيد
وكنت اضيق ...اليا تباها بالثقل
واحرق اعصابي...ودمي فالوريد
كنت عايش طول عمري في جهل
واحسبنه لي .......ولو طبعه عنيد
لكن ...... الموضوع خذته بالعقل
كيف احب انسان ....يبغاني بعيد؟؟
إسم الشاعرإسم الكاتبالبلدإسم القسمالمشاهدات
ماجد بن خرصانماجد بن خرصانالسعودية☆ دواوين الأعضاء .. عامِّي426
لاتوجد تعليقات