تاريخ الاضافة
السبت، 21 ديسمبر 2013 12:12:40 م بواسطة ماجد بن خرصان
0 280
وش الصرفه ؟
الا ياهاجس الاشعار...علمني وش الصرفه ؟
عنودً كل مالديت فيها ..... ضاعت علومي
ولكن البلا ............عين البلا البنت محترفه
بطبع الغنج والاغراء.. والصدات واللومي
وصدفه جيتهم ساري وقالت لي ترى الغرفه
مكيفها جينرال .....وبها ورد وعلى نومي
اشغلي مكيفها ........واحن لساكن الشرفه
واجيب الدفتر الوردي وادون فيه ملهومي
وحاولت اني اصرف ....واجيب لجونا طرفه
ومن بعض النكت قمت التقط لي جزء مهضومي
وقالت لي انا لك بالمحبه ......،جيت معترفه
وانا لامن عشقت اعشق من الذربين زيزومي
وقلت انا عشقتك من زمن ..يابنت ي الترفه
ولكن الحياء خلاني ...من الوصل محرومي
وانا وانتي ترانا اثنين الين اطريتي الغرفه
وصار ابليس ثالثنا يقول اخذيه ثم قومي
إسم الشاعرإسم الكاتبالبلدإسم القسمالمشاهدات
ماجد بن خرصانماجد بن خرصانالسعودية☆ دواوين الأعضاء .. عامِّي280
لاتوجد تعليقات