تاريخ الاضافة
الأحد، 29 ديسمبر 2013 09:50:03 م بواسطة ماجد بن خرصان
0 618
قصيدة مدح
قصيدي ياقصيدي جيت طالب فزعتك ذا الليل
تجملني مع قرمً به الاشعار مفتونه
رفيع الشان شانه مايميل ولا يعرف الميل
عزيز النفس ذكره في العلا ماهوب من دونه
كريمً لا عطا ماهوب منانً ولا هو بخيل
مثل غيثً على القيعان هل وكثرت مزونه
شجاعً في المواقف والمواقف ماتهد الحيل
اذا بين لها ذيبً تشوف الموت بعيونه
حكيم وماهو يجادل حثاله يتبعون القيل
رزين العقل وافكاره تجي جزله ومضمونه
صبور ويرتكي للحمل لو انه ثقيل يشيل
حملً لو تجمع الف رجلً مايشيلونه
عدل لامن وزن ماهو ينقص في وزان الكيل
وكلً ياخذ الي له وهي بقياس موزونه
هذاك الي بطيبه يكسب رجالً تضيم الويل
هذاك الي يزاحم بين ربع الطيب بمتونه
هذاك الي يعشق البر وعلوم الوفاء والخيل
هذاك الي قلوب الطيب بالوقفات يطرونه
معلم والمعلم فضله يعدي نجوم سهيل
وطلابه لو يسوون كل شي مايوفونه
معلم والمعلم له نقدم روحنا ونحيل
عن الطعنات لاجاته من الي مايعرفونه
والا ياصالح النزاوي مديحك يهد الحيل
عجزت اوفي نباك وضاق هاجوسي ومضمونه
وفضلك ي معلمنا يعادل فضل نهر النيل
على هل مصر والي من بعيد الدار ياتونه
قصيده في الاستاذ صالح النزاوي وهو يستاهل المدح ابوفيصل
إسم الشاعرإسم الكاتبالبلدإسم القسمالمشاهدات
ماجد بن خرصانماجد بن خرصانالسعودية☆ دواوين الأعضاء .. عامِّي618
لاتوجد تعليقات